أخيراً، رجع ملك الطاووق ع قلب الضاحية!

بعد غياب طويل، أخيرًا رجع ملك الطاووق على قلب الضاحية! السناك اللبناني الشهير واللي كلنا منحبّو فتح من جديد تحديداً حارة حريك أوتوستراد هادي نصرالله بعد ما سكّر بسبب الحرب. الملك جاب معو السندويشات اللي كلنا منعرفها وبنحبّها، وخصوصًا سندويش طاووق الطيب اللي ما حدا بيقدمها متلو.

رجعة ملك الطاووق القوية كانت ملفتة لأنو الناس عم ترجع والكل كان ناطرينو. الأكل بعدو محافظ على نفس الطعم الأصيل والجودة المميزة. أول شي رح نطلبو هو سندويش الطاووق المحشية قطع دجاج مشوي مزبوط، طري من جوا ومقرمش من برا، مع بطاطا مقليّة، كبيس، كولسلو، واكسترا توم.

وأكيد ما رح ننسى برغر الطاووق يلي هي إبداع هالمحل!

ملك الطاووق رجع ياخد محلو بين محلات السناك القوية بالضاحية. إذا كنت من محبّين السناكات اللبنانية، أو ببساطة مشتهين طاووق، لازم تمرقوا لعندن ع المحل! ومن قلبنا منقلّن: مبروك الرجعة، اشتقنالكن!

خبرونا، حمّسناكن ع سندويش الطاووق ما هيك؟ 

العنوان: الضاحية، اوتستراد هادي نصرالله

الرقم: 1592

شوفوا كمان، 17 مطعم عندن أطيب برغر لبناني بكل لبنان!