أحلى 6 مهرجانات ناطرتكن هيدا الويك-اند بلبنان!

هيدا الويك-اند ما بيتفوت…جبنالكن 6 مهرجانات ولا أروع رح تصير حول لبنان، كل مهرجان بيقدملكن تجارب فنية، موسيقى، أكل وأجواء ما بتنتسى. حضّروا حالكن، لأن هالأيام رح تكون مليانة نشاط وفرح!

1. المهرجان الصيني The Rising Yang

حضروا حالكن لمهرجان جنوني! المهرجان الصيني The Rising Yang رح يتضمن عروض صينيّة، مسابقات وألعاب خيالية، أكل بشهي، سهرات، وحماس ما بيوقف !

📅 التاريخ: 31 أيار و 1 حزيران، 2025

⁠🕛 الساعة: من 12 الضهر

📍 العنوان: جامعة السيدة اللويزة، زوق مصبح

2. مهرجان السيراميك

ما تفوتوا عليكن مهراجن السيراميك بوسط بيروت هيدي العطلة عند المصممة هانيا جنيد! تفننوا وعملوا قطع من السيراميك بتاخد العقل مع أصحابكن، وأكيد ما تنسوا تتسوقوا الهدايا والإكسسسوارات!

📅 التاريخ: 22 حتى 24 أيار، 2025

⁠🕛 الساعة:

الخميس: 22 أيار من 4 الضهر

الجمعة: 23 أيار من 4 الضهر

السبت: 24 أيار من 12 الضهر

📍 العنوان: شارع يوسف رامي، وسط بيروت

3. مهرجان الربيع عند Hangloose البترون

انضموا لمهرجان الربيع مع Hangloose Batroun x The Corner Hub لأيام من الإبداع، الرياضة، الموسيقى، والتسوق! رح تلاقوا ورش للكبار والصغار، ركوب الأمواج، تجارب بيئية، سوق، فرق موسيقية، وأكل طيب من مشاوي إكسبرس وOysters Bar.

الدخول مجاني، وجو عائلي ومناسب للحيوانات الأليفة!

📅 التاريخ: من 23 حتى 25 أيار, 2025

⁠🕛 الساعة:

الجمعة: 23 أيار من 4 الضهر – 10 بالليل

السبت: 24 أيار من 11 الصبح – 10 بالليل

الأحد: 25 أيار من 11 الصبح – 8 المسا

📍 العنوان: Hangloose، البترون

🎟️ الدخول مجاني

4. مهرجان أيار مع ثانوية برمانا

خدوا عيلتكن وأصحابكن وتعوا انبسطوا بيوم مليان طاقة وفرح ببرمانا! رح يكون في عروض من طلاب المدرسة، ألعاب ومسابقات، جوايز، أكل، تسوق، وحماس كتير! ومش بس هيك، كمان الدخول مجاني

📅 التاريخ: 31 أيار، 2025

⁠🕛 الساعة: من 9 الصبح حتى 6 المسا

📍 العنوان: ثانوية برمانا، برمانا

🎟️ الدخول مجاني

5. معرض بيروت العربي الدولي للكتاب – الدورة 66

معرض بيروت العربي الدولي للكتاب راجع هيدا الشهر! المعرض من تنظيم النادي الثقافي العربي، وبيجمع عدد كبير من دور النشر من لبنان والعالم العربي والدولي، مع برنامج غني بالندوات، النشاطات، وتواقيع الكتب. فرصة مميزة لتكتشفوا أجدد الإصدارات وتتفاعلوا مع الكتّاب والمثقفين!

📅 التاريخ: من 15 أيار حتى 25 أيار، 2025

🕛 الساعة: 10 الصبح – 9 المسا

📍 العنوان: مركز سيسايد – الواجهة البحرية الجديدة لبيروت

6. سوق السبت مع Sitt Naila

سوق السبت بـ”ست نايلا” بيجمع أكتر من 40 فنان وفنانة بيقدّموا فن وأفكار مميزة، مع فنانين مصممين محليين وهدايا يدوية فريدة. كل أسبوع بتلاقوا وجوه جديدة وغراض جديدة، فرصة روعة تكتشفوا فيها الإبداع اللبناني بطريقة مختلفة!

📅 التاريخ: كل سبت من 22 أيار حتى 28 حزيران، 2025

⁠🕛 الساعة: 12 الضهر – 8 المسا

📍 العنوان: Sitt Naila، مار مخايل

أي من مهرجانات الويك-اند رح تزوروا؟

Main Image by: www.nogarlicnoonions.com

شوفوا كمان، مهرجان أعياد بيروت 2025: هيدي أبرز الحفلات مع الأسعار!