رجع فندق سان جورج…هيك أسعار الليلة عندن!

بعد حوالي 30 سنة، فندق سان جورج التاريخي ببيروت رجع وفتح أبوابه من جديد، مع مبنى عصري جديد وإطلالة بحرية خيالية. فيكن من هلّق تحجزوا غرفة عبر Booking.com، وإذا حابين تعرفوا الأسعار، نحنا جبناهن لحتى ما تتعبوا حالكن. هيك رح يكون سعر الليلة بفندق سان جورج بسنة 2025.

(الأسعار ممكن تختلف حسب الموسم)

أديه ع الليلة الوحدة؟

اخترنا نهار السبت 15 حزيران كموعد تسجيل الدخول، ونهار الأحد 16 حزيران كنهار تسجيل الخروج. خدو بالكن إنو الأسعار بتتغيّر بالموسم العالي. لليلة وحدة، هي الخيارات والأسعار يلي لقيناها:

غرفة Superior twin مطلة ع المدينة: $220/الليلة
تخت حجم كينغ واحد بيساع شخصين

الغرفة دوبل: 225$/الليلة (حسب عدد الأشخاص)
تخت عادي وتخت بحجم كينغ بيساع شخص أو شخصين

غرفة ديلوكس دوبل مطلة ع البحر: 252-280 $/الليلة (حسب سياسة الإلغاء)
تخت حجم كينغ بيساع لشخصين

السويت: $350/الليلة

تخت ملكي بييساع شخصين

العيل الكبيرة أو المجموعات بيطلب منن يحجزوا غرفتين أو أكتر، والترويقة بتكون اختيارية بـ$20 زيادة. فيكن تشوفوا كل التفاصيل على Booking.com من هون!

كيف رح تكون الإقامة بفندق سان جورج

الملحق الجديد يلي فتح، The View – Saint George Hotel، بيقدّم غرف مريحة وعصرية مصممة لتناسب المسافرين للسياحة أو الشغل. كل غرفة فيها تكييف، حمّام خاص، مكتب، ميني بار، وإنترنت واي فاي مجاني. وكمان في غرف عائلية متوفّرة للمجموعات الكبيرة.

الضيوف فيهن ينبسطوا ع المسبح الخارجي الموسمي أو يشربوا كوكتيلات ع البار يلي حدّو. المطعم بيقدّم أطباق متوسطية وعالمية للغدا، العشا، وغيرو.

الفندق كتير قريب من أهم المعالم بالمدينة، وفيه موقف خاص مجاني للسيارات.

حبيتوا هالمقال عن سعر الليلة بفندق سان جورج؟ شوفوا قسم #الأسعار للمزيد.