ترويقة بالميّ ونومة فوق النهر بس هون!

إذا كنت من الأشخاص اللي بيحبّوا يبعدوا عن المدينة ويقضّوا وقت بنصّ الطبيعة، Wanderlust بعين دارة هو واحد من أجمل وأهدى الأماكن اللي فيكن تروحولها بلبنان. المخيّم قاعد ع النهر، محاوط بغابة خضرا، ومخبّى كأنو سرّ صغير ما بيعرف فيه إلا القليل.

المكان معمول بطريقة بتخليكن تحسوا كأنكن ببيت مفتوح بين الطبيعة. أول ما توصلوا، بتحسوا براحة غريبة. بتشموا الهوا النضيف، بتسمعوا صوت المَيّ، وبتبلّشوا تحس إنكن تركتوا كل هموم الدني وجيتوا لهون.

فيكن تتمشّوا ع مهل حدّ النهر، تغطسوا إجريكن بالميّ، وتتروقوا ترويقة بلدية تحت الشجر. في فرن حطب وخضرة طازة بتقطفوهن من الجنينة القريبة، خصوصي البندورة والفطر. هالتفصيل الصغير بيخلّي كل وجبة إلها طعمة خاصة.

النشاطات اللي فيكن تعملوها بتخليكن تقضوا نهاركن بلا ملل. في مراجيح معلّقة فوق النبع، بتتمدّدوا عليها وبتنسوا كل شي، عدا عن رحلات الإستكشاف بقلب طبيعة عين دارة.

إذا كنتوا حاببين بس ترتاحوا، فيكن تقعدوا تقروا كتاب، تغفوا شوي بالخيمة، أو تسمعوا موسيقى خفيفة مع الصوت الغابة حولكن.

الخيم مجهّزين بطريقة بتخلي التجربة مريحة رغم بساطتها. في خيمة معلقة فوق النهر، بتحسوا كأنكن نايمين فوق المَيّ، وفي خيم بين الشجر، يلي بحبّوا الخصوصية والهدوء.

ولما يجي الليل، بيبلّش الجو الساحر. سهرة نار، الكل بيقعد حواليها، بتحضّروا كاسة شاي سخن، وبتتشاركوا الأحاديث. ما في ضو مدينة، بس في نجوم بيعبّوا السما، وفي هدوء بيروّق كل شي جوّاتكن.

Wanderlust مش بس مكان للتخييم، هو محل بيرجع يعلّمكن كيف تعيشوا ببساطة، كيف تنبسطوا باللحظة، وكيف تتقربوا من الطبيعة أكتر. فيكن تابعوهن وتحكوهن ع انستغرام هون للحجز. 

شوفوا كمان، بيت ناطركن ع كتف الوادي…قعدة جبل وجنينات معلّقة!