البقاع ناطركن… تحويش التوت ونزهة ع البحيرة هون!

بقلب السهل الأخضر الحلو، عم يتحضّر نهار من نوع تاني بالبقاع، نهار مميز كله حب وطبيعة…ما تفوتوا عليكن نشاط تحويش التوت مع Soul Balady هالشهر، هو فرصة صغيرة تلمسوا الأرض، ترجعوا للبساطة، وتفرفحوا قلبكن بالتوت الطيب والطازة. 

النشاط رح يكون الأحد ب 15 حزيران بضيعة عيتنيت، البقاع الغربي. نهاركن بيبلّش من الساعة عشرة الصبح، بمزرعة M P’tits Fruits ببساتين المعلولي. أول ما توصلوا، بيستقبلن مشروب بارد ومنعش، وفرصة تتصوّروا جنب مشهد بحيرة القرعون الخلّاب.

ع الساعة 10:30، بتنطلقوا لنشاط تحويش التوت بإيديكن، توت أحمر وطازة من قلب الأرض، وبتتعرفوا كمان كيف بيتحوّل لبودرة، رقاقات، وحتى شراب بنكهات ولا أشهى. وأحلى شي إنو التوت يلي بتحوشوا بتاخدوا معكن ع البيت!

ولما تصير الساعة 12:00 الضهر، بيبلّش وقت البرانش. بتفرشوا الحصيرة وأحلى نزهة ع ضفاف بحيرة القرعون! ع العشب تحت فيّ الشجر، مع صاج بلدي بنكهات من التوت: جبنة مع توت، زعتر مع بودرة توت، مربّى مع زبدة، وغيرها من النكهات يلي رح تنغرموا فيها. الجوّ بيكون كله طاقة حلوة، والولاد بيلعبوا بحرية بالطبيعة.

ومش بس هيك! ناطركن بهيك أجواء تجربة تذوّق الشمبانيا مع التوت من معصرة La Tourba ، لتعيشوا نهار ريفي بإمتياز وتدوقوا من كل أطياب البقاع.

هالنهار الحلو بس عند Soul Balady فتأكدوا تحجزوا معن هون. واللي بيروح، رح يرجع معو كمشة توت… وذكريات ما بتنتسى.

خبرونا، بتحبوا هيك نشاط متل تحويش التوت بطبيعة البقاع؟ 🫐🌿🌸🧺🥂💗

شوفوا كمان، ترويقة بالميّ ونومة فوق النهر بس هون!