لشهر كامل، بوفيه ترويقة مجاني بوسط بيروت!

إذا عبالكن تبلّشوا نهارك بأجواء مميّزة ونكهة لبنانية أصيلة، ما إلكن إلا Maryool بصيفي! عم يقدّمو بوفيه ترويقة لبنانية مجانية كل هالشهر حزيران، من الإتنين للجمعة، بين الساعة 9 الصبح والـ11:30 الصبح. يعني فرصة حلوة لتدلّلوا حالك بترويقة ولا أطيب وبمكان ولا أروع، بقلب ساحة صيفي ببيروت.

بتفوتوا وبتنغرموا بريحة الزعتر البلدي، اللبنة، الجبنة، الكشك، المربّى، الخضرة الطازة، والبيض يلي عز الطلب، وكل هالخيارات المقدّمة ع البوفيه بطريقة ولا أشهى! وفيكن كمان تدوقوا المسبّحة خصوصي إنو هني كتير مشهورين بالحمص، وكمان خبز النان يلي هني بيعملوا، وغيرها من نكهات الترويقة يلي من قلب التراث اللبناني.

شي متل صباحات الضيعة، بس بجو عصري وممتع! كتير رح تحبوا هالمحل من أول لقمة لآخر القعدة!

Maryool هو مطعم لبناني بيقدّم وصفات بيتيّة بنكهات مستوحاة من مناطق لبنان كلها. بيفتح كل أيّام الأسبوع، وكل المكونات طازة، موسمية، وصحيّة.

عندن تشكيلة واسعة من الأطباق النباتية، ومنيو من صحون الحمص، الكبّة، الرز بالشعيرية يلي هني بيتميزوا فيهن، عدا عن الأطباق اللبنانية المتنوعة والغنية.

المكان لطيف، رايق، مع ديكور ولا أهضم وبيجمع بين الطابع اللبناني والستايل العصري. إذا كنتوا قريبين من وسط بيروت، أو حابين تروحوا صبحية غير شكل، Maryool هو العنوان. وخاصّة بهالشهر مع البوفيه المجاني!

خبرونا، حبيتوا Maryool و بوفيه الترويقة المجاني؟ شوفوا كمان، أطيب 50 محل بوظة تجربوهن حول لبنان.