هيدي أسعار تذاكر الطيران ع بيروت لصيف 2025!

صيف 2025 بلّش، وهيدا يعني إنو المغتربين اللبنانيين بلّشوا يزوروا ع البلد ليعيشوا كل لحظة من الموسم. إذا بدك تزور هالصيف، أو حتى بس حبّيت تعرف الأسعار، هي لمحة عن أسعار تذاكر الطيران ع بيروت بصيف 2025. استعملنا موقع طيران الشرق الأوسط لنشوف أسعار التذاكر باتجاه واحد بنص تموز لشخص واحد على بيروت. وشفنا للمدن التالية: من دبي، لندن، باريس، برلين، جنيف، والرياض.

من دبي ع بيروت بتاريخ 15 تموز 2025

أسعار تذاكر الطيران باتجاه واحد من دبي ع بيروت بين $287 و320$ بالدرجة الاقتصادية، وبين $903 و973$ يدرجة الأعمال.

من لندن ع بيروت بـ15 تموز 2025

أسعار تذاكر الطيران باتجاه واحد من لندن ع بيروت بتتراوح أسعارها بين 977$ و $1,090 بالدرجة الاقتصادية، وبين $1,547 على درجة الأعمال.

من باريس ع بيروت بـ 15 تموز 2025

أسعار تذاكر الطيران باتجاه واحد من باريس ع بيروت بتكلف 771$ بالدرجة الاقتصادية، وبتتراوح بين 1,102$ و1,341$ بدرجة الأعمال.

من برلين ع بيروت بـ 15 تموز 2025

أسعار تذاكر الطيران من باريس لبيروت بإتجاه واحد بتكلف $1203 بالدرجة الإقتصادية، وبتتراوح بين 1420$ و $2508 بدرجة الأعمال.

من جنيف ع بيروت بتاريخ 15 تموز 2025

أسعار تذاكر الطيران باتجاه واحد من جنيف لبيروت بتتراوح بين 848$ لـ 1,245$ بالدرجة الاقتصادية، وبين 2,179$ لـ 3,327$ بدرجة الأعمال.

من الرياض ع بيروت في 15 تموز 2025

أسعار تذاكر الطيران من الرياض لبيروت اتجاه واحد بتكلف $502 بالدرجة الإقتصادية، و$811 بدرجة الأعمال.

شوفوا كمان، إنترنت ستارلينك على الأبواب بلبنان.. وهيدي كلفة الاشتراك المتوقعة!