بالفيديو: الصواريخ فوق حفلات بيروت… والسهرة كفّت عادي!

بليلة ما حدا كان متوقّعها، اشتعلت السوشيال ميديا بفيديوهات من حفلات وسهرات ببيروت، بس هالمرة المشهد كان غير. الناس عم تسهر وتغني وتنبسط، وفجأة الصواريخ عم تمرق فوق راسن، حضروا هون:

الصواريخ الإيرانية كانت مبينة بوضوح، مش بس فوق لبنان، بس حتى من دول تانية بالمنطقة. وبسبب القرب الجغرافي، قدروا كتير ناس يشوفوا الصواريخ عم تعبر فوقن مباشرة، ويوثّقوا اللحظة. كتار شبّهوا المشهد بأفلام الأكشن، وردود الفعل كانت متفاوتة: في ناس فرحت بالضربة ع العدو، وفي ناس خافت من تصعيد أكبر ممكن يجرّ لبنان لأحداث جديدة. هيدا فيديو تاني من قلب الحدث:

بالفيديوهات المنتشرة، منشوف عالم عم ترقص وتغني، وفجأة بيطلّع شي من السما… العيون كلّها بتلتفت لفوق. يمكن أكتر شي لفت النظر هو ردة فعل اللبنانيين: وثّقوا المشهد، وكفّوا سهرة كأنو شي ما صار. حضروا هون: 

وبفيديو تاني الصواريخ مرقت من فوق كذا عرس لبناني، حضروا: 

مع تصاعد التوترات، الكل ناطر يشوف شو ممكن يصير بعد هالضربات المتبادلة، وكيف رح ينعكس الوضع ع المنطقة وعلينا بلبنان. ونحنا كلبنانية ما فينا إلا ندعي لسلامة وأمن بلدنا والمنطقة، ونضل متمسّكين بالأمل إنو الأيام الجايي تحمل معاها الأمان والإستقرار.

خبرونا، انتو شو ردة فعلكن ورأيكن ب يلي عم يصير؟

شوفوا كمان

شط جبيل بقوانين جديدة: لا أرجيلة، لا بيكنيك، ولباس السباحة إلزامي!