من بلكون بكفرشيما لمحل بالكاسليك، هالشاب اللبناني حقق حلمو!

يلي بلّشت كفكرة بسيطة من بلكون بكفرشيما، صارت اليوم كيوسك! Balcony Burgers، البرغر المفضّل عند كتار، فتحوا أوّل فرع إلن بـ O Park كاسليك، وعم يحققوا الحلم الكبير. شو القصة؟ شيف لبناني بكفرشيما كان عندو حلم يفتح مطعم برغر بالمستقبل، بس قرر يعمل البلكون يلي عندو مطعمو الخاص! وسمّى شغلو البسيط Burgers Balcony، عم يرجع يحيي التقاليد اللبنانية وبأهضم طريقة، بيعملكن برغر بيشهي وبينزل بالسلة من البلكون لعندكن.

وما تخافوا، السلة يلي بتنزل من البلكون بعدها جزء من التجربة!

هلق فيكن تلاقوا Balcony Burgers بـ O Park كاسليك، وعم يقدّموا نفس سماشد برغر الشهي يلي خلى العالم تحكي عنن عالسوشيل ميديا. بس مع إنو صار عندن محل، ما نسيو من وين بلّشوا.

السلة الشهيرة بعدها موجودة، وحتى الباكيجينغ مصمّم ليعبر عن القصة من أولها!

العلبة بتفتح وبتتحوّل لرسمة شارع صغير مع بلكونات، وإيليو، الشيف ورا هالمحل، عم ينزّل برغر من السلة!

إذا كنتوا من محبي Balcony Burgers، أو بعد ما جربتوا البرغر يلي عامل ضجة، صار فيكن تروحوا ع الكاسليك وتجربوا بنفسكن!

📍 الموقع

O Park، كاسليك

اكبسوا هون لتعرفوا الموقع بالزبط.

⏰ ساعات العمل

يوميًا من الساعة 1 بعد الضهر حتى 12 نص الليل

📞 للتواصل:

الرقم: 860 919 71

تأكدوا تتابعوا Balcony Burgers على إنستغرام، وخبرونا إذا زورتوا المحل الجديد بكاسليك!

شوفوا كمان

أضخم 25 مهرجان حول لبنان لصيف 2025