أجمل مطعم فرنسي فتح بوسط بيروت!

لمسة من السحر الفرنسي وصلت ع منطقة ميناء الحصن مع افتتاح Mademoiselle Beirut— أجدد مطعم ببيروت، واللي بسرعة صار من أبرز الوجهات لعشّاق الأكل الطيّب والقعدة الحلوة. 

المطعم من توقيع الشيف من ميلان آيرا بيفا، واللي حضرت منيو بيتميز بين أطباق فرنسية كلاسيكية، مأكولات بحرية، ونكهات عالمية، كلها بلمسة راقية وأجواء بتعكس نبض بيروت.

تجربة Mademoiselle Beirut :

المنيو بيتضمن أكلات طازة ومحضّرة بطريقة بتفتح النفس. بلّشوا بالكرباتشو الخفيف والمنعش، أو سلطة الأرضي شوكة المقرمشة. وفي بار كامل للسلطة بتقدروا تخلّطوا فيه مكونات يلي بتحبوها – أكيد كلها طازة ومن أعلى جودة.

لخيارات أغنى، في عندهن الفيليه ميجنون الطري، محضر على الأصول وبيجي مع خضرة مشوية. واللوبستر لنغويني لعشاق الباستا، نكهته خيالية.

Photo credit: @eliyaghaly on Instagram

وما تنسوا تجربوا البابا أو روم! حلو مميز بلمسة استوائية من الباشن فروت والمانجو يلي بيضيفوا نكهة فريدة من نوعها. واذا بتفضلوا شي تاني، تيراميسو عند Mademoiselle Beirut تجربة ما لازم تفوتوها .

كيف الأجواء:

الديكور جريء ومرتب، وبيعكس جو باريس العصري مع سحر بيروتي. التراس بيفتح النفس، كله ضو شمس ورح يكون محلكن المفضل لأيام الصيف.

Photo credit: @moune_wanders on Instagram

إذا عبالكن برانش روعة، أو غدا سريع أو عشا رايق، الأجواء عند Mademoiselle Beirut بتدمج بين الرقي و العفوية بطريقة خيالية.

📍 الموقع

مينا الحصن، اكبسوا هون للموقع.

⏰ ساعات العمل

يوميًا من الساعة 9 الصبح لغاية نص الليل

📞 للتواصل

الرقم: 941 149 03

وتابعوهن ع الإنستغرام لتشوفوا كل جديد!

شوفوا كمان

أضخم 25 مهرجان حول لبنان لصيف 2025