فرقة ميّاس سحرت العالم مع Beyonce بعرض أسطوري بباريس!

فرقة الرقص اللبنانية الإستثنائية ميّاس تألقوا مرّة تانية ع خشبة المسرح مع المغنية العالمية بيونسيه Beyonce، وهالمرّة لمدّة 3 ليالي متتالية بستاد دو فرانس بباريس!

أكتر من 360 ألف شخص حضروا العروض، وشافوا بأعينن 7 رقصات بتاخد العقل قدّمتن فرقة ميّاس خلال حفلات بيونسيه، يلي كانت جزء من حدث عالمي ضوّ العاصمة الفرنسية. بنتها “بلو آيفي” كانت كمان ع المسرح ورقصت معن!

شوفوا هيدا المقطع من رقصة ميّاس على أغنية Beyonce الجديدة “PROTECTOR”:

هيدي مش أول مرة بيونسيه بتختار ميّاس ليشاركوا معها. بسنة 2023، أدهشوا العالم خلال حفل افتتاح Atlantis The Royal بدبي، لما قدّمت بيونسيه عرض خاص لمدّة 70 دقيقة بالحفل الفخم والخاص.

كمان شوفوا هالمقطع من رقصتن على “Drunk in Love”:

من بعد فوزن بـ America’s Got Talent سنة 2022، وميّاس عم يحققوا نجاح عالمي بموهبة استثنائية وستايل فريد من نوعو. والتعاون التاني مع Beyonce بيأكد إنو الفرقة بعدها عم تنتقل من نجاح لنجاح!