حفلات موسيقية ما بتتفوّت هالصيف بلبنان!

لبنان على موعد بشهر تموز مع حفلتين بيشعلوا الحنين للماضي! حفلتين ما بيتفوّتوا، تكريم لأساطير بالموسيقى والأغاني، مع فرقة ABBA يلي غنّوا وحمسوا الناس من السبعينات لليوم، وصولًا للطرب الأصيل مع أم كلثوم وصوتها الخالد. وكل هالشي رح يكون بقاعة سيريناتا Serenata Venue بالهري، شمال لبنان.

🎤 الحفلة الأولى: Mania – تحيّة لفرقة ABBA

فرقة “ABBA Mania” بلّشت بـ 1999 لتكرّم فرقة ABBA، وبتقدّم أغانيها بنفس التياب والرقصات!

عملوا حفلات بكل أنحاء العالم، وهالمرة جايين على Serenata Venue الهري بحفلة مميزة رح تعيشكن أجواء ABBA الحقيقية.

🗓 الموعد: الجمعة 4 تموز 2025 – الساعة 9 المسا

🔗 للحجز، اكبسوا ع الرابط هون.

🎙 الحفلة التانية: تحيّة لأم كلثوم بذكرى 50 سنة على رحيلها

بعد نص قرن، صوت الست باقي بقلوبنا…

الفنانة المصرية مروى ناجي رح تغني أجمل أغاني أم كلثوم بهالليلة المليانة إحساس وحنين للطرب الأصيل، بأجواء بتستاهل هالإرث العظيم.

🗓 الموعد: السبت 5 تموز 2025 – الساعة 9 المسا

🔗 للحجز، اكبسوا ع الرابط هون.

🌿 وهيدي بس البداية!

الحفلات رح تصير ب Serenata Venue، مطرح مفتوح ع السما، وسط خضار طبيعي وإطلالة بتاخد العقل عالبحر.

سهرات موسيقية غير شكل، بتحيي الماضي، وبتعطي لصيف لبنان نكهة ما بتنتسى!

متحمّسين تعيشوا مع جوّ Serenata Venue بلبنان هالصيف؟ ☀️

شوفوا كمان

أضخم 25 مهرجان حول لبنان لصيف 2025