محل Uncle Fluffy العالمي جاية ع الجميزة (مع كيك مجاني كل النهار!)

Uncle Fluffy المخبز اللي اشتهر عالمياً من ورا التشيز كيك الياباني الطري والناعم يلي بيعملو، رح يفتح فرعو الجديد بالجميزة!

من المتوقع إنو ح يكون ع شارع غورو، جنب محل هوت دوغ الكوري Kogowa، وهيدا التوسع الجديد جايي ع قلب أشهر وأكتر المناطق حباً للأكل المميز ببيروت. ومع العجقة الدايمة بهالشارع، أكيد Uncle Fluffy رح يسرق الأنظار ويجذب الناس.

الافتتاح الكبير رح يصير نهار الأربعاء 25 حزيران، وفيكن تدوقوا من أطيب التشيز كيك مجاناً بهيدا النهار من الساعة 3 بعد الضهر لـ11 بالليل! يعني 8 ساعات كاملة من الحلويات الطازة والسخنة.

وإذا ناسيين، هيك كانت تجربتنا لما فتح Uncle Fluffy أول فرع إلو بـABC فردان:

الشركة بلشت مشوارها بدبي بـ2017 بفرع صغير، ومن وقتها توسعت وصار عندها أكتر من 140 فرع حول العالم. السر؟ وصفة تشيز كيك يابانية بسيطة، خفيفة، طرية، وحلوة.

بالملمس والقوام يلي بيجمع بين كيك سفنجية وسوفليه، ونكهتها خلتها تضرب وين ما فتحت بالعالم!

لمزيد من المعلومات، تأكدوا من زيارة الإنستغرام تبعن. مش قادرين تحضروا الافتتاح الكبير؟ فيكن دايمًا تمرقوا على الفروع التانية اللي ب ABC فردان، سيتي سنتر، و سنترو مول.

خبرونا، محمسين لهيدا الإفتتاح الجديد بالجميزة؟ وجربتوا Uncle Fluffy؟

بدك تضل مطلع على كل الأماكن الجديدة يلي فتحت ببيروت؟ ما تنسى تفوت على قسم #شو جديد على موقعنا.