أوتيل تراثي ساحر فتح جديد بجزين، تعرفوا عليه

إذا حابين تعيشوا لبنان متل ما هو، ع طبيعته، تعو ع جزين… واكتشفوا Auberge Wehbe، هيدا الأوتيل الجديد اللي فتح أبوابو لإلكن بعد الترميم، بقلب هالضيعة اللي بتحبس الأنفاس.

الأوتيل قريب كتير من دير مار أنطونيوس. رح تلاقوا حالكن بمحل عالي بيطلّ ع وديان جزين الساحرة، تتنسّموا ريحة الصنوبر وتسمعوا صوت الطبيعة، وتعيشوا جو ولا أروع من هيك.

أوبرج وهبة بقدملكن ضيافة بتفوق توقعاتكن، هو مكان بتحسّ حالكن فيه مرتاحين ومبسوطين من أول ما تفوتوا، لحد ما يودّعكن بقعدة ما بتنتسى. الديكور كلاسيكي أنيق، حجر قديم وقناطر عالية بيجمعوا الفن والأصالة اللبنانية، والجنينات حول هالأوتيل عاملين سحر خاص، بتقعدوا ع التراس بين الخضار المعلّق والورد، وكأنكن بحديقة بالسما.

الغرف واسعة، ديكورها كلاسيكي ومريح بنفس الوقت، وكل تفصيل فيها معمول ليعطيكن راحة ودفا.

ما تنسوا الأكل الطيب! فيكن تدوقوا أطيب مأكولات عالمية، مع جلسة رومانسية أو عائلية بتنسيكن تعب الدني ع التراس.

هالأوتيل كتير حلو إذا عبالكن تقضوا شهر عسل، أو تنبسطوا بالصيف مع عيلتكن!

سواء كنتوا جايين ترتاحوا يومين بعيد عن العجقة، أو حابين تكتشفوا سحر جنوب لبنان، من شلالات جزين لغاباتها وضيعها الحلوة، أوبرج وهبة هو خياركن الأمثل.

فـ شو ناطرين؟ احجزوا عطلتكن اليوم وخلو Auberge Wehbe يصير بيتكن التاني بجزين ❤️

📍 جزين – قرب دير مار أنطونيوس

📞 للحجز: 217 780 07

شوفوا كمان، عرض الموسم: اسبحوا بس ب 15$ بأحلى أوتيلات بيروت