تغدّوا واسبحوا بهيدا المطعم الجديد عالبحر بجبيل!

أجدد مطعم عالبحر بجبيل جمعلكن شغلتين من أحلى نشاطات الصيف: الأكل والسباحة. بابيون Papillon، موجود ع ساحل جبيل جنب غريكو، بقدملكن مناظر ما بتنتسى ع البحر المتوسط وأطباق سمك يومي طازة.

شو في ع المنيو؟

كم طبق لفتونا من المنيو متل ال watermelon carpaccio مع جبنة الفيتا المفتتة، يلي هي نسخة جديدة من أكتر أطباق الصيف المفضّلة عند كل لبناني. هالكارباتشيو الطيب بيجي مع فيتا، نعنع، عسل، وفستق.

وكمان بيقدّموا تشكيلة مأكولات بحرية طيبة، متل الأخطبوط المشوي، مع زيت الترافل وبيجي مع لوز وحمص.

وإذا بدكن شي أدسم، جرّبوا ال orzo paella، معمولة مع orzo، bisque بحرية، كالاماري، أخطبوط، قريدس، وبلح بحر.

الأسعار

إذا قررتوا تطلبوا مقبلات، طبق رئيسي وتحلية، توقّعوا تقريبًا $65–$70 للشخص. كله بيرجع للطبق الرئيسي يلي بتختاروه، بس عندن خيارات أقل من هيك إذا بدكن شي خفيف.

وهيدي الأسعار متل ما مبين ع menu تبعهن:

المقبلات: 16$-28$

الأطباق الرئيسية: 29-65$

تحلاية: 7.5 – 18$

كيف الأجواء عند Papillon؟

المطرح روعة ودغري ع الشط، فيكن تاكلوا وبعدها تنزلوا ع الرمل. وأحلى شي إنو بعد الغدا فيكن تمدّدوا حد الموج وتغطّسوا لتبردوا شوي.

المطعم كمان وجهة خيالية لتتفرجوا ع غروب الشمس!

📍 العنوان

ساحل جبيل، إكبسوا هون للموقع بالزبط.

⏰ ساعات العمل

بيفتح 24/7

📞 للتواصل:

الرقم: 605 330 76

تأكدوا تتابعوهن على انستغرام للمزيد!

عجبكن مطعم Papillon بجبيل؟ شوفوا كمان، أوتيل تراثي ساحر فتح جديد بجزين، تعرفوا عليه