أحلى قعدة جبلية ع حفة الوادي، شوفوا هالمحل!

بقلب وادي فريكة، رح تكتشفوا هالصيف جنة مخباية اسمها Reia … مطرح بيشبه البيت، بس أجمل بكتير، لأنو مفتوح ع الطبيعة ومحاوط بريحة الجبل.

تخيّلوا قعدة برا، بفضا واسع أخضر، ديكور عتيق بيدفّي القلب، قعدات مريحة ع الأرض وكراسي خشب بتعطيكن هيدا الجو الجبلي الحلو. قدامكن منظر الوادي ما بينوصف، وغروب الشمس مشهد بحد ذاتو، مع شوية أضوية بتزيّن الساحة وبتزيدها رومانسية.

بس Reia مش بس منظر حلو. عندن أطيب مأكولات وسناكات بتشهي، محضّرين بحب لتكمّل السهرة. فيكن تجيبوا أصحابكن وتقضّوا سهرة تحت النجوم، أو عيلتكن وتعملوا ذكريات بتدوم، وحتى فيكن تهربوا لحالكن إذا بدكن ساعة راحة وهدا بترد الروح، خاصةً إنو هالمنطقة مش بعيدة عن بيروت.

والأحلى؟ إنو هيدا المكان بعدو مخبى، مش معروف كتير، يعني رح تحسوا عنجد إنو هالمطرح محجوز إلكن. الصيفية طويلة، وهيدي فرصتكن تهربوا شوي، تعيشوا جو الجبل، تتنفسوا هوا نضيف، وتشبعوا عيونكن من مناظر خلابة.

ما تخلّوا هالصيف يمرق متل غيرو. تعوا ع Reia واحجزوا سهر من سهرات العمر! بيفتحوا أبوابن من الخميس للأحد، من الساعة 7 المسا لل1 بعد نص الليل. تابعوا حسابن ع انستغرام هون.

الرقم: 817 005 76

شوفوا كمان، ترويقة بالميّ ونومة فوق النهر بس هون!