سوق الأكل: 6 ضيع، شهر كامل، وأحلى أجواء هالصيف!

الصيفيّة بلبنان ما بتحلى بلا Souk El Akel، أحلى سوق وجو كل موسم! هالصيف سوق الأكل راجع وبقوّة، وجاييكن بجولة صيفيّة حول لبنان بتاخد العقل، مليانة نكهات ومفاجآت وفرح. تخيّلوا شهر كامل من 18 تموز ل 17 آب، 6 مناطق، وكل منطقة محضرة مهرجان بطريقتها الخاصة.

شو يعني سوق الأكل؟ يعني ملوك الستريت فود، مطاعم من كلّ أنحاء لبنان جايبينلكن أطيب السناكات، الساندويشات، البرغر، الحلويات، والآيس كريم، كلّ شي بتشتهيه نفسكن. يعني تاكلوا وتنبسطوا وتجرّبوا نكهات جديدة مع برنامج ممتع من المسابقات والنشاطات والألعاب، جو للعيلة كلها!

بس Souk El Akel مش بس أكل. هونيك بتلاقوا موسيقى لايف، كيوسكات، تسوق منتجات، عالم مبسوطة، ولاد عم يركضوا ويضحكوا، وأجواء ما بتنّسوها. فرصة تكتشفوا ضيع لبنان الحلوة، وتقضّوا سهرة صيفيّة مع أصحابكن وعيلتكن.

هيدا برنامج جولة سوق الأكل بالصيف:

دير القمر: 18 لـ 20 تمّوز

عاليه: 24 لـ 27 تمّوز

زوق مصبح دريم بارك: 31 تمّوز لـ 3 آب

عذرا: 5 لـ 6 آب

برمانا: 7 لـ 10 آب

إهدن: 14 لـ 17 آب

ما تتردّدوا، لوين ما كنتوا بلبنان، سوق الأكل رح يجي لعندكن! خلّوا هالصيف غير شكل، وجمّعوا الشلّة، وحضّروا بطنكن لتتلذّذوا بأطيب المأكولات. 🌭🍔🍧

Souk El Akel جاييكن… احفظوا الموعد وانطروا أحلى ليالي الصيف! ❤️

شوفوا كمان، أحلى 26 مهرجان بكل لبنان خلال تموز 2025