غدا ع جسر معلق فوق البحر، شوفوا هالمطعم بجبيل!

في شي أروع من هيك؟ غدا ع جسر معلّق بين صخرتين فوق البحر بمنصف جبيل، تجربة عنجد بتاخد العقل. متخيّلين حالكن قاعدين ع جسر ممدود فوق ميّ زرقا، والموج تحتكن عم يغازلكن، والنسمة عم تبوردكن؟ هالمطعم لحالو قصة، Cayu فتح هيديك الصيفية وصار وجهة جذابة لكل حدا بحب البحر والأجواء الحلوة.

الجسر المعلّق فيكن تقعدوا عليه، تتغدوا، تتشمّسوا، ترتاحوا، أو حتى تتمدّدوا وتاخدوا لون. وفوق هيدا كلو، فيه درج بتقدروا تنزلوا منو عالبحر دغري وقت ما بدكن. ما في رسم دخولية، بس minimum charge ع الأكل والشرب، يعني كل ليرة عم تروح ع اللقمة الطيبة.

Cayu بيفتح من الساعة 10 الصبح، بتجوا بتقضوا نهاركن عالبحر، بتسبحوا، وبترجعوا بتطلعوا عالجسر المعلق، وبتتغدوا قدامكن هالمطل الخرافي، خاصةً ع غروب الشمس. الجو كتير رايق، ورح تحسوا حالكن كأنك ع جزيرة بعيدة عن العالم.

وبالنسبة للأكل روعة! من أول ما توصّلوا، بيقدّمولكن مازات بحرية بتشهي، ادامامي، سمك بزري، تاكوز سلمون أو كراب، قريدس. بعدين فيكن تجربوا السلطات المتوسطية: سيزار، بيراتا، تارتار سلمون، وغيرو.

عالطاولة عندن أطيب الأكلات الرئيسية: من فيليه الدجاج الطري، للريغاتوني مع البوراتا الكريمية، البرغر ع سمك، أو حتى ساندويش أخطبوط طيب. عندكن كمان قريدس مشوي مع خضرة، سالمون مع رز بري، و فيليه بقر. وما مننسى طبق سمك اليوم يلي هو بكون صيد طازة. كل لقمة أطيب من التانية!

وإذا عندك مناسبة، فيكن تحجز المكان وتعملوا event خاص بهالجسر يلي معلّق بين السما والبحر.

باختصار، Cayu بيقدملكن أحلى نهار بحر مع منظر خيالي وأكل طيب. للحجز ع الرقم: 896 704 70، وما تنسوا تابعوهن ع انستغرام هون. 

شوفوا كمان، أسعار دخولية 12 مسبح وشط بكل جبيل لـ 2025