من فوق وادي قاديشا…بيت بجنينة سرية ونومة ع السطيحة!

مخبى بقلب بشري، في مكان بيجمع بين جمال الطبيعة والسكينة… Casa Serena، بيت الضيافة يلي رح يخليكن تعيشوا تجربة ما بتنتسى. من اللحظة اللي بتوصلوا فيها، رح تندمجوا مع مناظر وادي قاديشا الخلابة، لوحة طبيعية بتناديكن لترتاحوا وتاخدوا نفس.

تمشوا بالجنينة الواسعة، بين الصنوبر، والأرز، وريحة الشجر العتيق. بتوصلوا على تراس مع قعدة مخدّات لتتمددوا وتحضروا غروب الشمس. هون الوقت بيوقف، وبتعيشوا كل لحظة بلحظتها.

جوا البيت، كل زاوية معمولة لتحسسكن بالراحة والسعادة، والديكور بسيط وبيتوتي.أوضة Zen الهادية، فيها مساحة لتقعدوا مع حالكن بكل رواق بعالمكن الخاص. وأوضة القعدة معمولة خصوصي لتجتمعوا، تضحكوا، وتخلقوا ذكريات بتدوم. أمّا أوض النوم بتاخدكن لعالم تاني، مكنكنة متل أي بيت بالضيعة.

بتقدروا تحضّروا سلطة من خيرات الجنينة، و تعملوا مشاوي عالتراس وتجمعوا الأصحاب حوالين السفرة!

البيت كتير قريب ع أجمل مواقع بشري السياحية والتاريخية، فيكن تقضوا نهاركن عم تكتشفوا المنطقة وجمالها. 

إذا بدّكن كم لحظة لنفسكن، في زاوية سرية بين الشجر، بعيد عن العالم، بتقدروا تكتبوا، تتأملوا، أو بس تسمعوا صوت الطبيعة وتتنفسوا بعمق. تشربوا قهوتكن مع كتاب ونسمة هوا، وتسرحوا بجمال وادي قاديشا! 

Casa Serena بيقدملكن فرصة لتعيشوا لحظات حلوة ما بتتكرر.بلشوا رحلتكن واحجزوا عندن ع الرقم: 871 704 71. وما تنسوا تابعوهن ع انستغرام هون. 

شوفوا كمان، ترويقة بالميّ ونومة فوق النهر بس هون!