أشهر سوق ومطعم إيطالي بالعالم فتح بأسواق بيروت، هيك الأسعار!

من بعد طول إنتظار، إيتالي Eataly، السوق والمطعم الإيطالي اللي أخد شهرة بكل أنحاء العالم، أخيراً فتح بأسواق بيروت. هالمكان المميز بيجمع بين تجربة المطعم، الكافيه، و السوبرماركت، ليقدم تجربة إيطالية أصيلة بكل معنى الكلمة.

Eataly أصله من إيطاليا، ومن وقت تأسيسه بـ2007 بتورين، توسّع وصار إلو فروع بمدن عالمية كبيرة متل نيويورك، دبي، ميلانو وطوكيو. وهلّق إجا الدور ع بيروت ليجيب طعم إيطاليا الأصيل ع قلب لبنان، ويعيشكن تجربة ما بتنتسى إذا كنتوا بتحبّوا الأكل الإيطالي.

إيتالي بأسواق بيروت بيقدم تجربة إيطالية متكاملة، من أطباق البيتزا و الباستا الطازة، للمكونات العالية الجودة متل الأجبان واللحوم والخبز لتاخدوها عالبيت.

السوق فيه كل المنتجات الإيطالية الفاخرة يلي بتحتاجوها من زيت الزيتون للنبيد، شوكولا، الباستا، وكمان مطعم وكافيه لتستمتعوا بوجبة أو قهوة عالسريع. وما بيكمل الجو من دون الدروس والورش يلي بتعلمكن أسرار المطبخ الإيطالي لتحضروها بإيديكن.

يعني إيتالي مش بس مطعم أو سوبر ماركت، هو رحلة كاملة ع إيطاليا من دون ما تطلعوا من بيروت!

كيف أسعارو؟

المنيو بإيتالي واسعة وبتجمع كل نكهات إيطاليا. عملنا برمة ع المنيو عندن، ولقينا منيو المطعم، منيو خاصة للولاد، للنبيد، وللمشروبات (فيكن تشوفوا المنيو الكاملة هون):

🍝 باستا بين 11 و29 دولار: بتلاقوا أطباق باستا و ريزوتو، السباغيتي بأنواعه، اللازانيا، والرافيولي مع البوراتا.

🍕 بيتزا بين 15 و26 دولار: البيتزا النابوليتانية كمان حاضرة بنكهات كتيرة من المارغريتا للسالامي والبيتزا بالبوراتا.

🥗 مقبلات / سلطات بين 12 و25 دولار: المقبلات والسلطات بتضم كارباتشو، ارانشيني، بوراتا، وسلطات مميزة.

🥩 أطباق رئيسية بين 30 و65 دولار: الأطباق الرئيسية بتتراوح بين الدجاج، السلمون، برانزينو، والستيك بأنواعه.المعدل حوالي 45$ ع الطبق الرئيسي.

🍰 التحلاية بين 10 و15 دولار: التيراميسو، البانّا كوتا، والبابا ليمون سيللو رح يضيفوا لمسة حلوة.

المعدّل بيطلع تقريباً 20 لـ25 دولار للطبق، يعني المعدل للشخص الواحد رح يطلع تقريباً بين 50 و70 دولار حسب شو بيطلب (إذا اختار لحم أو سمك غالي بيكون أكتر، وإذا اكتفى بباستا أو بيتزا بيكون أقل).

📍 العنوان

وسط بيروت/أسواق بيروت، اكبسوا هون للموقع بالزبط.

⏰ ساعات العمل

يوميًا من الساعة 10 الصبح حتى الساعة 12 نص ليل

📞 تواصل

الرقم: 884 867 81

تأكدوا تتابعوهن على انستغرام للمزيد!

تجربة إيطالية عالآخر… ما تنسوا تجربوا هالمحل وتخبرونا بالتعليقات!

شوفوا كمان، لمحبي الأكل البحري الفاخر، هيدا هو المطعم الأول بجبيل!