قعدة فوق النهر وتخت ع التراس…أجمل بيت ضيافة بالغابة!

بتتمنّوا تهربوا من الضجّة وتعيشوا كم يوم من الراحة بين أحضان الطبيعة؟ تعو جرّبوا Tranquil، بيت ضيافة مخبى بقلب غابة جبيل، وبيقدملكن تجربة ولا أروع، بين النهر، الشجر، والهدا يلي عنجد ما بينوصف.

من أول لحظة بتفوتوا فيها ع هالمطرح، بتحسّوا حالكن انتقلتوا لعالم تاني، صوت المي، نسمة الهوا، وخضار ما بيخلص.

Tranquil مثالي لويك أند هادي، عطلة رومانسية، أو سهرة مع الأصحاب تحت النجوم. الترّاس ع العالي، وفي عليه قعدة مريحة مغمورة بالخضار.

وإذا بتحبّوا تناموا برا بين الطبيعة، التخت يلي ع الترّاس هو التجربة الأجمل… عنجد شي ما بينتسى. لياليكن رح تكون شي من الحلم!

وإذا عبالكن تدلعوا حالكن أكتر، في جاكوزي داخلي وخارجي بقلب الطبيعة، وبركة سباحة خاصة. كل شي معمول ليكون لإلكن لحالكن، بخصوصية تامّة وراحة ع الآخر. التصميم عصري ومريح، ومفتوح ع المنظر الخيالي للنهر والغابة.

عيشوا الهدوء، استرخوا بالجاكوزي، وخلّوا الطبيعة تحضنكن من كل ميل. بتقعدوا بالطبيعة، بتتفرّجوا عالنهر، وبتنسوا الدني كلها.

📍 العنوان

بشلّي جبيل، اكبسوا هون لتعرفوا الموقع بالزبط. 

📞 تواصل

الرقم: 121 007 03

تأكدوا تتابعوهن على انستغرام للمزيد!

خبرونا حبيتوا هيدا البيت الضيافة وسط الطبيعة؟ كمان، درب الأمازون بلبنان: هيدي الغابة الغريبة اللي ما بتعرفها!