أطيب محل بوظة صار عندو قهوة، تعرفوا هون

عشاق القهوة، محتارين تختاروا بين بوظة باردة أو لاتيه متلج بهالصيف؟ Cold Stone Creamery جبلكن الحل المثالي بمنيو القهوة الجديد يلي بيجمع بين أطيب شغلتين!

سواء مرقتوا على فرع من فروعن أو أخدتوا معكن علبة بوظة، Cold Stone دايمًا جاهزين يدلّلوكن بأي وقت. وهلّق، مع القهوة الطيبة والمشروبات المتلجة، كل شي بتشتهوه بالصيف صار موجود.

شو بتلاقوا بمنيو القهوة؟

من الفرابيه الكريمي لقهوة إسبريسو قوية، المنيو الجديدة بتلبّي كل رغبات محبي الكافيين!

جربوا قهوة بتشهي متل الوايت موكا، السولتد كاراميل، البوترسكوتش، أو الكاراميل ماكياتو فرابيه، نكهات بتبرّد القلب وبتروق الراس!

وإذا كنتوا من محبّين القهوة الكلاسيكية، كمان رح تلاقوا يلي بتحبّوه: إسبريسو، أمريكانو، كابتشينو، كافيه لاتيه، وحتى قهوة مفلترة للي بيفضلوا الطعمة البسيطة والأصيلة.

والأحلى؟ الأسعار معقولة وبتترواح بين 2 و4 دولار بس!

شو كمان فيكن تاخدوا؟

Cold Stone Creamery معروفين بحلوياتن المميزة، من البوظة لكيكات الآيس كريم الروعة! وإذا محتارين شو تختاروا، جربوا الـ Signature Creations يلي هني بيتميزوا فيها.

Birthday Cake Remix وPeanut Butter Cup Perfection بيضلوا المفضّلين عند الكل، بس إذا بتحبوا الطعمة القوية، Cheesecake Fantasy وThe Pie Who Loved Me رح ياخدوكن ع غير عالم.

إكبسوا هون لتشوفوا باقي المنيو عندن.

إذا كنت مشتهي آيس كريم باردة، أو فرابيه كريمي، أو إسبريسو قوي، صار Cold Stone Creamery مقصدك الصيفي الجديد.

شوفوا كمان، أشهر سوق ومطعم إيطالي بالعالم فتح بأسواق بيروت، هيك الأسعار!