نهار بحر ببلاش؟ سباحة مع البط ومراجيح بالمي ناطرتكن بشكا!

إذا عم تفتّشوا ع نهار بحر غير شكل، لازم تزوروا Kuanos Beach بشكّا! هيدا المكان مش بس مطعم وبار عالبحر، هو جنة صغيرة مخبّاية بين الصخور والموج، بتجمع كل شي حلو: مناظر بتاخد العقل، أجواء حلوة، وتجربة سباحة ما بتنتسى… ومع مين؟ مع البط!

وحدة من أحلى الجواهر المخفية بالشمال، تخايلوا تكونوا عم تسبحوا بالمي الصافية ويمرقوا حدّكن بطّات؟ إيه، البط بيسبح معك عنجد! فيه مرجوحة بنص البحر، وغيرها قعدات معلّقة فوق الموج دغري، وصخور بتقعدوا عليها كأنكن بجزيرة صغيرة.

الأحلى؟ إذا كنتوا عم تاكلوا بالمطعم، السباحة مجانية! يعني فيكن تعيشوا نهار كامل وتنبسطوا بالبحر والقعدة بدون ما تدفعوا دخولية. وإذا حابين بس تسبحوا، في دخولية بسعر بسيط. يعني فيكن تعيشوا أحلى نهار عالبحر بدون ما تتكلّفوا كتير!

الأكل بيشهي: قريدس، برغر، سناكات ومشاوي بحرية، وكوكتيلات بتبرّد القلب. المنيو فيه كل شي بيكمّل نهار صيفي. وإذا ضلّيتوا للمسا، الجو بيصير أنشط وأحلى، مع موسيقى وسهرات شرقية من وقت للتاني.

Kuanos هو المكان المثالي لنهار بحر ممتاز، مليان طاقة إيجابية وطبيعة بتردّ الروح. وما تنسوا إنو بتحسّوا حالكن بجزيرة، بس بشكا!وكرمال ما تتلبكوا، خصوصاً بالويك اند، الأفضل تحجزوا مسبقاً.

عيشوا تجربة بحر ما بتشبه غيرها… مع بط، مراجيح، كوكتيلات فوق الموج، ومشهد غروب الشمس من الأحلام!

📍العنوان:

شكّا، عالبحر

🕚 الدوام:

من الساعة 11 الصبح لـ1 بعد نص الليل

📞 للتواصل:

الرقم:754 749 71

ما تنسوا تابعوهن ع انستغرام هون للمزيد.

شوفوا كمان، 21 محل فتحوا جديد هالصيف ببيروت