شو جاية ع بيروت؟ أحلى 4 محلات جديدة رح تفتح قريباً!

بيروت عم تتحضر لتستقبل محلات جديدة ومشوقة! تعرّفوا على 4 محلات رح تفتح قريبًا حول بيروت، ويمكن بسهولة تصير من المفضّلة عندكن!

صورة الغلاف من أمل جراح.

1. Eat the Soft Spot

شو هو؟ محل بوظة سوفت سيرف

هالمحل عم يرجّعلنا نكهات الطفولة… بس بطريقة جديدة! بوظة بنكهة القهوة البيضا مع زهر الليمون وكمان القهوة اللبنانية هني أول نكهتين أعلنوا عنن، وعم يحمّسونا للمزيد!

2. Théo

شو هو؟ بار ومطعم وكافيه بستايل فرانكو-إيطالي

مكان بيجمع بين كذا شي: مطبخ إيطالي وفرنسي، نكهات متوسطية، وكوكتيلات مستوحاة من الأساطير اليونانية. كل هيدا بجوّ كوزي وشيك بنفس الوقت.

3. Maison D

شو هو؟ كافيه بستايل رايق

كافيه جديد بقلب وسط بيروت، بيوعدنا بأجواء أنيقة وقهوة معمولة بحرفية، ومنيو فيه خيارات طازة من مكونات محلية.

4. Chez Beyrouth

شو هو؟ مطعم لبناني عصري

مطعم Chez Beyrouth هو مطعم عصري بيقدملكن جو دافي بيرحب فيكن لترتاحوا فيه، وتستمتعوا بأكل بجودة عالية وقهوة طيبة وتحسوا حالكن ببيتكن.

بعد ما أعلنوا عن مواعيد الافتتاح أو تفاصيل المنيو، بس نحنا رح نتابع ونخبركن أول بأول!

تابعوا جديد المطاعم والكافيهات بلبنان على قسم #شو_جديد بموقعنا.

حبيتوا دليلنا عن محلات جديدة رح تفتح قريباً ب بيروت؟ شوفوا كمان: 21 محل فتحوا جديد هالصيف ببيروت