كأنكن بالفضاء…محل ببيروت عندو تجربة ”صفر جاذبية“!

كنتوا بتعرفوا إنو في تجربة “Zero Gravity” ببيروت؟ أي عنجد، عيشوا إحساس صفر جاذبية يلي موجود ع الفضاء بس من CosmoCity بقلب فردان!

CosmoCity بتقدملكن تجربة أركيد متكاملة، مع عشرات الألعاب، المراجيح التفاعلية، والنشاطات الحماسية لكل الأعمار.
وبالرغم إنو لعبة “Zero Gravity” منا جديدة، بس عنجد ما كنا نعرف بوجودها! فخلّونا نشرحلكن شو هي، كيف بتشتغل، وقديش بتكلّف.

شو هي هاللعبة؟

هاللعبة بتبرم بسرعة خيالية. رح تلزق عالحيط من قوة الدفع، ويصيروا إجريك بالهوا وجسمك يميل بكل الاتجاهات. بتشبه المراجيح يلي فيها قوة عالية متل اللي بالكرنفالات، وبصير الإحساس كأنو ما في جاذبية أبداً.
وإذا زبطت وزنك صح، فيك حتى تشقلب حالك!

بعض الأشخاص يمكن يخافوا يرفعوا إجريهن عن الأرض، بس خليكن مرتاحين، القوة الجاذبة المركزية بتساندكن. يعني مستحيل إنكن توقعوا.

كيف بتدفعوا؟

فيكن تشحنوا credits للعب arcade، أو تشتروا tokens للألعاب الكبيرة متل Zero Gravity.

باكجات الكريديتس:

$29 → 290 كريديت + 54 بونوس

$39 → 390 كريديت + 78 بونوس

$49 → 490 كريديت + 168 بونوس

$59 → 590 كريديت + 250 بونوس

بس لعبة Zero Gravity بدّا tokens:

1 توكن = $3

10 توكنز = $30 وبيطلعلكن 2 توكنز ببلاش

اللعبة بتحتاج بين 2 و3 توكنز، فحضّروا حالكن! وإذا حابين تعرفوا باقي الأسعار، شوفوا هون.

📍 العنوان

ABC فردان، الطابق الرابع، بيروت

⏰ الدوام

كل يوم من الـ10 الصبح لـ 12 بالليل (بالصيف)

📞 التواصل

الرقم: 331 811 01

شوفوا كمان، نهار بحر ببلاش؟ سباحة مع البط ومراجيح بالمي ناطرتكن بشكا!