مبروك…زحلة رسميًا ”مدينة عالمية للنبيذ“!

أعلنت المنظمة الدولية للكرمة والنبيذ موافقتها على اعتماد زحلة كـ”مدينة عالمية للنبيذ” ابتداءً من نيسان 2025. هالخطوة تكريمًا لدورها الكبير بتاريخ وثقافة وزراعة الكرمة وصناعة النبيذ بلبنان.

هيدا الإنجاز أجا بعد مبادرة من بلدية زحلة يلي قدّموا ملف شامل للمنظمة بيحكي عن مساحات الكروم، عدد معامل النبيذ، وكل المعطيات يلي بتأكد ريادة زحلة بهالمجال.وبجهود رئيس البلدية ووزير الزراعة الدبلوماسية والفنية، وصل القرار: زحلة انضمت رسميًا للمدن العالمية للنبيذ!

وبارك رئيس الجمهورية جوزاف عون بإعلانها “مدينة عالمية للكرمة والنبيذ” من قبل المنظمة الدولية، واعتبر إنو إنجاز كبير للبنان، ونتيجة تعب وجهد مشترك بين وزارة الزراعة ومنتجي النبيذ بالبلد، يلي اشتغلوا على تطوير وتسويق النبيذ اللبناني على مدى سنين طويلة.

زحلتنا اليوم عم تفتح أبواب العالمية قدام النبيذ اللبناني.مبروك للزراعة اللبنانية، مبروك لزحلة… ومبروك للبنان! 🍇🍷🇱🇧

شوفوا كمان، الرئيس عون يكرّم الفنان جورج خباز بوسام الاستحقاق اللبناني الفضي