أشهر عبارات وأقوال الفنان زياد الرحباني!

الفنان زياد الرحباني كان صوت جيل كامل، العبقري الساخر يلي مثّل لسان حال كل لبناني. ابن فيروز وعاصي يلي كسر القالب، حمل إرث الرحابنة وتمرد عليه بطريقته الخاصة. أسلوبه كان قريب للناس: صادق، ساخر، موجوع، ومليان إنسانية. 

مش بس فنان، زياد كان ظاهرة. بكلماته، بصوته، وبسخريته، عبّر عن وجع الناس وحياتهن اليومية، وخلى الفن يعكس واقعنا بكل تفاصيله. كلامه ما كان مجرد كلام عابر، بس مواقف عميقة صارت مثل أمثال شعبية منحكيها لنفشّ خلقنا، نضحك من وجعنا، أو ننطق الحقيقة بصوت عالي. بهالمقال، منقدملكن أشهر عبارات و أقوال زياد الرحباني، من العميقة للساخرة، يلي بعدها عايشة فينا.

هيدي أشهر عبارات و أقوال زياد الرحباني:

1. ما تقلي طول بالك، هيك أطول شي

2. شعب بيشرب قهوة كتير، لازم يكون أوعى من هيك!

3. خليك طبيعي وتلقائي وصريح مع الناس، صدقني رح تخسرن كلن!

4. وراء كل إمرأة عظيمة ولا حدد. اللّٰه خلقها عظيمة مش ضروري يكون وراها حدا

5.قوم فوت نام وصير حلام انو بلدنا صارت بلد

6.أنا ضد الفقر مش ضد الغنى..

بس ضد الغنى اللي بيجي من الفقر

7. مش ضروري النّهايات تكون سعيدة عَ طول.. خيّي انتَ منّك عايش بفيلم!

8. انا ما عم جرب غير البلد و لا عم جرب غير شي انا عم جرب بس ما خلي هالبلد يغيرني. هيدي وحدها اذا بتزبط معي يعني انتصار، انتصار لنفسي اولا

9. بلا ولا شي، بحبك 

10. كم بكرا صار مارق من وقتها لليوم؟ وبعدنا ما عرفنا بالنسبة لبكرا شو؟

11. بلد كلو سوا مش مبيّن عالخريطة ما إلو حق يكون عندو هلقد مشاكل!

12. هيدا رأيك؟ إيه وشو عم يعمل عندي؟

13. كل ما تسألني كيفك بتذكر إني مش منيح

14. دخلك شو رح يجينا إن كان قدمنا الساعة ولا أخرناها…ما إحنا منقدمها ساعة ومنتأخر عشر سنين لورا

15. مات وعطاني عمرو…أنا عمرو شو بدي فيه؟ أنا العمر يلي عليي مش عارف كفيه

16. أنا مش كافر بس الجوع كافر

17. صف الواسطة أطول من الصف العادي…أطول من صف الأوادم يعني.

18. حاول عموما تبتسم للناس، معليش.. هيدي لا عالكهربا، ولا ع البطارية.. لا ع البنزبن ولا عالمازوت.. شغلة ما ح تزيد شي ع مصروفك..

19. حاج تحلّل وحياتَك، تسلملي تحليلاتَك

20. إذا بعطيك رأيي بصراحة… ما بعود فيك تطيق شي إسمه صراحة.

21. عم بيقولوا رح ينقطع الأمل الباقي بهاليومين.

22. بيقولوا لك من عرق جبينه طلّع مصاري هالإنسان طيّب كيف هايدا وكيف ملايينه وما مرّه شايفينه عرقان

23. ليتني لا أعرف ما أعرف!

24. لما بتحب حدا، ما بتشوفو متل ما هو، بتشوفو متل ما بتحب.

25. فكّرنا يلي راح منيح…طلع منيح يلي راح!

26. ما حدا مبسوط…ونيّالك يا ما حدا! 

27.يا عمي نحنا ما بدنا نفهم قدو، بس بدنا نفهم عليه!

28. في ناس بينهم وبين الفهم سوء فهم

29. شو هالأيام اللي وصلنالا

قال إنو غني عم يعطي فقير

كنو المصاري قشطت لحالا

ع هيدا نتفه و هيدا كتير

30. أنا صار لازم ودّعكن .. وخبّركن عني

أنا كلّ القصة لو منكن .. ما كنت بغني

غنّينا أغاني عَ وراق . . غنية لواحد مشتاق

ودايماً بالآخر في آخر في وقت فراق

شو العبارة يلي حبيتوها أكتر شي؟

حبيتوا عبارات و أقوال زياد الرحباني؟ شوفوا كمان، الحب الأول…صور توثق علاقة فيروز وزياد الرحباني