زواج مدني مؤقت؟ نائب لبناني يقترح عقد زواج لـ5 سنين قابل للتجديد!

اشتعلت السوشال ميديا بالانتقادات بعد ما قدّم النائب الياس جرادي اقتراح بقانون مدني موحّد للأحوال الشخصية، وضمنه مادة بتقترح عقد زواج مؤقت مدته 5 سنين، ينتهي بفترة انفصال لـ3 أشهر، بعدها بيقرّر الطرفين إذا بدّن يكفّوا سوا أو لا.

في ناس اعتبرت إنو هالصيغة بتفرّغ الزواج من مضمونه وبتنسف استمراريته. وهيك كانت التعليقات بين المؤيد والمعارض:

بس جرادي كان إله رأي تاني، ووضح فكرة شو يعني زواج مدني مؤقت خلال مقابلة مع قناة الجديد:

“الزواج إنه نحن حطيناه له مدة معينة وهذا لا يعني إنه ينتهي الزواج لا بالعكس. اذا بعد الشريكين يرغبون بهذا الزواج فهو يستمر الزواج. مرات بتصير العلاقة الزوجية عامل قهري… ما بيكون عامل صحي على الصعيد النفسي وعلى الصعيد العائلي. العائلات التي تدمر نفسها من نفسها نتيجة الخلافات فليش تستمر العلاقات بخلافات؟ وهو قتل نفسي للشخصين وللعائلة وللأولاد في ظل جحيم عائلي؟”

وفسّر إنو المشروع بيهدف لإلغاء القوانين الطائفية للأحوال الشخصية، واستبدالها بقانون مدني موحد بيأسس لمستقبل أجيال تختار مصيرها الأفضل:

“عندي بنتين بالعائلة هاجسي حماية بناتي، اعتقد انه هذا يحمي بناتي بالمستقبل، ما يكونوا أسيرة أي ضغط نفسي اجتماعي ديني أو ضغط غير مدرك.”

وإنتو شو رأيكن بهيدا الإقتراح؟ مع أو ضد زواج مؤقت؟

شوفوا كمان، قرار بإيقاف راغب علامة بمصر بعد ”قبلة معجبة ع الفم“… وهيدا كان ردّه