تعوا نقعد بالفيّ… كافيه مع جنينة ساحرة فتح ببيروت!

تعبتوا من عجقة المدينة وضجيجها؟ تعوا نعرفكن على جنينة سرّية جديدة بنص بيروت، كأنكن دخلتوا ضيعة صغيرة مخبّاية بعيد عن العيون. عالم مختلف مليان شجر وحياة وروح، اسمه FayHouse.

FayHouse مش بس كافيه، هو جنينة بمنطقة سد البوشرية، واحة خضرا بتاخدكن بعيد عن صخب الحياة اليومية. بتدخلوا وبتلاقوا حالكن محاوطين بشجر عالي من الميل للميل، طاولات وكراسي خشبية موزعة بين الطبيعة، وكل زاوية فيها بتحكي قصة عن تراثنا. بتقعدوا، بتحسوا بالنسمة اللي بتمرّ من تحت الشجر، وبتاخدوا نفس عميق.

هون، كل شي معمول لحتى تحسوا إنكن بضيعة صغيرة بعيدة عن كل شي. مساحة واسعة بتشرح القلب، بتخليكن تتمدّدوا، تتأملوا، سواءً جايين تشتغلوا على اللابتوب، تقرأوا كتاب، أو حتى بس تروقوا مع أصحابكن أو عيلتكن بين الشجر.

الأكل لبناني طيب بطعم البيت والضيعة، من الفطاير للفتوش، من المشاوي للشاورما… ودايمًا في شي طازة. وكل لحظة بهالمحل إلها معنى، Fay House بتفتخر بشراكتها مع جمعية إنسان لدعم التغيير الاجتماعي، وبتجمع بين شغفها بالأكل والتزام “إنسان” بتمكين المجتمعات المهمّشة بلبنان من خلال التعليم والحماية.

إذا بدكن مكان تهربوا فيه تحت السما، تشربوا قهوتكن بهدوء، وتحسوا حالكن وسط جنينة ببيت الضيعة، FayHouse هو وجهتكن الجديدة.

📍 العنوان

سد البوشرية، شارع عسيلي، بيروت، بتلاقوا الموقع بالزبط هون.

⏰ الدوام

كل يوم من الـ8 الصبح لـ 12 بالليل

📞 التواصل

الرقم: 988 119 70

تابعوهن ع انستغرام هون لكل جديد. 

شوفوا كمان، كأنكن بالفضاء…محل ببيروت عندو تجربة ”صفر جاذبية“!