ماكدو اللبناني وصل….محل برغر جديد لازم تجربوا!

عبالكن ماكدونالدز بس ع اللبناني؟ بعد ما فتح Meat Way بأول السنة، هلق طلع WeMac، محل جديد بلبنان بيقدّم وجبات ستايل مكدونالدز بأسعار مقبولة.

هالمحل بتلاقوا بالحدث جنب قاروط مول، وهو أجدد نسخة لبنانية عن البرغر الشهير، وبيقدّم دابل تشيزبرغر، ساندويشات دجاج مقرمش، وبوكس ناغتس، مع ستايل أصفر قوي المألوف.

الناس يلي جربوه وعم بيقولوا إنو الطعمة قريبة كتير من الأصلي. ومع إنو الألوان الأحمر والأصفر بيذكروك بالماكدو، بس شجرة الأرز الصغيرة بتذكّرك إنو هيدا برغر محلي من قلب لبنان.

شو بالنسبة للأسعار؟

WeMac عنده 3 كومبوات: Duo Mix Deluxe، Duo Chicken Deluxe، و Duo Beef Deluxe وكل وحدة فيها 2 برغر، بطاطا، ومشروب غازي، وكلها بسعر 600 ألف ليرة، تقريبًا نفس أسعار مكدونالدز عالتطبيق.

السعر ما كتير بيفرق، بس مبيّن إنو الحصة عند WeMac شوي أكبر. خيار منيح إذا بدك تدعم المحلي، أو إذا عم تقاطع البراندات العالمية، من دون ما تحرم حالك من الوجبات السريعة.

📍 العنوان

الحدث، حد قاروط مول

📞 للتواصل

الرقم: 849 819 03

تأكدوا تتابعون على إنستغرام للمزيد!

شوفوا كمان، الأكل الزايد بالمطعم مش للكب…صار فيكن تطلبوه وبنص السعر هون!