إم شريف عاملة ضجة مرة تانية…آيس كريم سندويش مع كورتينا!

من بعد الضجّة يلي عملها إم شريف ديلي بسندويشة البندورة، هالصيف محضّر مفاجأة بتشهي… آيس كريم ساندويش! المحل اللي قدر يترك بصمته بقلب بيروت، جايب مفاجأة بتشهي… وهالمرّة، التعاون مع Cortina، ماركة الآيس كريم اللي كبرنا عليها وعندها ألذ نكهات الطفولة!

قريبًا، رح ينزل أول آيس كريم سندويشة خاص بإم شريف ديلي بالتعاون مع Cortina، ومن هلق فينا نقول إنو الطعم رح يكون شي خرافي. تخيّلوا ساندويش آيس كريم بنكهة لبنانية أصيلة، معمول ببسكويت مقرمش ودهبي، ومحشي بآيس كريم كورتينا الكريمي يلي تعوّدنا عليه من نحنا وصغار.

من المعروف إنو Cortina هي من أقدم وأطيب ماركات الآيس كريم بلبنان، وكتار منّا إلها مكانة خاصّة بقلبن. وكمان، إم شريف ديلي صار اسم بيحمل الجودة، الذوق، واللمسة اللبنانية الراقية. فلما يجتمعوا سوا، النتيجة ما فيها تكون إلا قطعة خيالية.

في حكي إنو سعر الساندويش رح يكون بين 5 و6 دولار، بس بعد ما تأكّد شي رسمي.

رح تلاقوها حصريًا بفرع إم شريف ديلي ببيروت، والكل ناطر يجرّبها! منتوقع إنو هالمنتج الجديد يتحوّل لضربة الموسم!

خليكن مستعدين… لأنو آيس كريم ساندويش إم شريف بهالصيف رح تكون غير شكل!

شوفوا كمان، سندويش بندورة بـ13$…إم شريف عامل بلبلة واسعة ع سوشيال ميديا!