شو مشاريعنا
8 مطاعم مع قعدة جزيرة بقلب لبنان
في مطاعم بلبنان، مش بس بتاكلوا فيها… بتسافروا! مطاعم بجو ساحر، بقلب البحر أو ع الصخر، مخبية تجارب ولا أروع … لقينالكن 8 مطاعم ساحرة مع قعدة جزيرة بقلب لبنان.
1. مطعم الصخرة /برج الفيدار، الفيدار
هالجوهرة عبارة عن مطعم قاعد ع صخرة بقلب البحر، بيقدم أكل بحري طازة وقعدة بتحسّسكن كأنكن هربانين ع جزيرة صغيرة بلبنان.
الرقم: 138 681 70
2. Grecco، جبيل
من المطاعم اليونانية القليلة بلبنان يلي بتخطفكن من أول زيارة! قعدتو ع شط جبيل بتجنّن، بتحسّوا حالكن بجزيرة بعيدة عن كل شي، والغروب من هونيك قصة حب لحالها.
الرقم: 232 213 70
3. Pieds dans L’eau بـ Rocca Island، حامات
روكا مارينا غني عن التعريف، ومن أكتر الوجهات بلبنان يلي بتحسّوا فيها إنكن سافرتوا بلا ما تطلعوا من البلد! فيكن تسبحوا بمسابح وسط البحر عجزيرة، وتقعدوا بمطعم مغطّس بالميّ… تجربة ما بتنتسى.
الرقم: 053 005 71
4. Alec.Ô Feniqian Island، البترون
عبالكن غدا من قلب جزيرة فينيقية؟ هالمكان رح يسرقكن بأجواؤه! قاعد ع صخرة بين الموج وجسر صغير بيوصلكن بالشط… من القعدة للأكل، التجربة كلها غير شكل.
الرقم: 444 340 70
5. تحت الريح، أنفه
أنفه لحالها بتشبه جزيرة يونانية، فكيف إذا زرتوا أشهر وأطيب مطعم بأنفه؟ تحت الريح قاعد ع صخرة لحالو ع البحر، بتروحوا لعندو بتاكلوا لقمة سمك بتشهي وبتغطسوا بالبحر!
الرقم: 117 788 70
6. مطعم جزيرة اللؤلؤة، عمشيت – جبيل
مطعم ع صخرة لحالو بالبحر، بيطل ع بحر عمشيت من ميل وبحر جبيل من الميل التاني. فيكن تنزلوا بدرج دغري عالبحر، والقعدة بتحكي لحالها من كتر ما هي حلوة ومميّزة.
الرقم: 499 544 03
7. Kuanos، شكا
ليه رح تحبوا هالمحل؟ مش بس عندو قعدة ع الجزيرة، كمان مراجيح بنص البحر، سباحة مع البط، أكل طيب، ومنظر لغروب الشمس أكتر من خيالي.
الرقم: 754 749 71
8. Île Beach Bar، البترون
شو رأيكن تسهروا وترقصوا ع جزيرة بلا ما تطلعوا من لبنان؟ هالمكان بقلِب البترون بيقدملكن أجواء نار، موسيقى، رقص، وأطيب مشروبات… سهرة ما بتنسی!
الرقم: 776 009 71
شوفوا كمان، 7 مطاعم عندها دخولية مجانية ع البحر بلبنان
