كوكيز ع طربوش أو سيريلاك؟ هالمحل عامل بوكس الطفولة!

بوكس كوكيز مهضوم بيقدر ياخدكن دغري على أحلى أيام الطفولة… تعرّفوا على Nostalgia Cookie Box من Better from Scratch ببيروت. مش بس كوكيز، هيدا صندوق ذكريات بيرجعكن لأيام المدرسة، ولحظات الطفولة مع العيلة، والمشاوير عالسوبرماركت مع الماما لما كنا نختار السناك المفضل.

كل نكهة بالبوكس إلها سحرها الخاص. الكوكيز بنكهة الطربوش، ناعمة وغنية بالكريمة والشوكولا، بتذكّركن بأوّل كدشة من أيام زمان. وكوكيز السيريلاك، الطعم يلي كنّا مدمنين عليه بصغرنا، هالمرة جاي بنسخة كوكيز بتدوب بالتم.

وفي كمان التوتي فروتي بألوانه ونكهات الفواكه الحلوة يلي كنا نعشقها، والكوكيز بالبسكويت والراحة الطرية يلي بتاخدنا لضيافة التيتا بالضيعة. حتى النيسكويك يلي كنّا نشربه الصبح قبل المدرسة صار كوكيز مع فريز، وكمان كوكيز الحلاوة والشوكولا… مزيج بيغري من أوّل تشوفوه.

إذا حابين تدلّلوا الطفل يلي جواتكن أو تفاجئوا حدا غالي ع قلبكن، الـ Nostalgia Cookie Box  هو أحلى طريقة . Better from Scratch عنجد قدروا يجمعوا نكهات الطفولة ببوكس واحد!

الطلب ولا أسهل: فيكن تبعتوا واتساب أو تتصلوا عالرقم 285 965 78 ليوصل لعندكن، أو تلاقوا منتجاتن بالمحل الرئيسي بكليمنصو، أو بصور بـ Candy Mega Store، أو بالحمرا – بلس بـ Grab n Go. ما تنسوا تابعوا حسابن ع انستغرام هون.

حبيتوا هالمقال؟ شوفوا كمان:

بعد النجاح الكبير، حفلة سبيستون راجعة ع بيروت هالشهر!

شباب المستقبل… حضّروا حالكن، لأنو حفلة سبيستون راجعة ع بيروت!