لكل محبي One Piece بلبنان، هيدا المطعم إلكن!

متأكدين إنو كل محبي One Piece محمسين يتعرفوا ع هيدا الـ Diner الجديد بلبنان.

مطعم One Piece Diner بصيدا بوعدكن برحلة أكل عالـ Grand Line، مع مقبلات، برغر، سندويشات وسلطات على ذوق سانجي.

محبي ون بيس رح يعشقوا الحيطان الملونة والمزينة برسومات طاقم Straw Hat الأسطوري.

الـ Diner بيقدّم شوية من كل شي، من البرغر الكلاسيكي والمبتكر للسندويشات بالدجاج المقرمشة، البطاطا المغطسة، والسلطات الغنية.

المنيو فيه أكلات متل Truffle Burger مع بصل كاراميل وجبنة Swiss، وبافالو برغر دجاج بطعمة حرة، وبطاطا مقلية مع فاهيتا، مثالي للمشاركة… أو لا، لأنو لوفي ما بيحب يشارك!

إذا بتحبوا المقبلات، فيكن تاخدوا تشيز بوولز، قطع الهالبينو، موتزاريلا ستيكس بنكهات مختلفة، أو قطع تندرز مقرمشة، وكل هالشي بأسعار كتير حلوة.

الأسعار معقولة بشكل كبير، أغلب البرغر والسندويشات بين $5–$7.50 والمقبلات بتبلّش من $4.50 بس.

إذا كنت عم تدوّر على لقمة سريعة، أو سناك تشاركوها مع الرفقة، أو وجبة تجهّزك لمغامرة بالـ Grand Line، كل محبّي One Piece لازم يحطّوا هالمكان على الليستا تبعهن.

للمزيد من المعلومات، تأكدوا تشوفوا حاسبن ع إنستغرام.

حبيتوا هالمقال؟ شوفوا كمان:

كوكيز ع طربوش أو سيريلاك؟ هالمحل عامل بوكس الطفولة!

بوكس كوكيز مهضوم بيقدر ياخدكن دغري على أحلى أيام الطفولة…