آيس كريم كبة نية… بس بلبنان!

إذا مفكرين إنو جربتوا كل أنواع الكبة النية بلبنان، فإنتو غلطانين! مطعم بيتنا بطرابلس عامل إختراع جديد عم يدوّخ كل عشاق الأكل اللبناني: كبة نية آيس كريم. الفكرة بسيطة بس عبقرية بنفس الوقت،  أخدوا طبقنا التقليدي يلي منعتزّ فيه، وعملوه بلوك جديد بتشبه البوظة، لتجربة ما بتنتسى. حضروا الفيديو من Beirut Food هون: 

الكبة النية معمولة ع الأصول، بلحمة طازة مدقوقة وممزوجة مع بهارات بتشهي. النكهة غنية، طرية، وبتدوب بالتمّ متل ما منحبها. بس هون القصة: مطعم بيتنا قرروا يقدموها على شكل طابات آيس كريم بتشهي، مع رشة فستق حلبي خفيف ع الوج، ولمسة زيت زيتون ليعزز الطعم.

والخبرية ما وقفت هون. اخترعوا “قرن آيس كريم” مصنوع من خبز لبناني، محمّص شوي ومعمول بشكل بيعطي إحساس إنو عنجد عم تاكلوا قرن بوظة. اللذة يالموضوع إن فيكن تفكّوا القرن بالصحن، وبعدها تغمسوا الخبزة بالكبة النية وتستمتعوا بكل لقمة بخلطة قوامها مبتكر وطعمها عزيز ع قلبكن.

سواء كنتوا من عشاق الكبة النية التقليدية أو حابين تجربوا شي مختلف، كبة نية آيس كريم أكيد رح تبسطكن. مش بس شغلة مهضومة للتصوير ع إنستغرام، بس تجربة بتجمع بين التراث والابتكار. ما تنسوا تابعوا Beirut Food هون، ومطعم بيتنا هون. 

حبيتوا هالمقال؟ شوفوا كمان:

كوكيز ع طربوش أو سيريلاك؟ هالمحل عامل بوكس الطفولة!

بوكس كوكيز مهضوم بيقدر ياخدكن دغري على أحلى أيام الطفولة…