أشهر مطعم إيطالي بلندن جاية ع بيروت، كيف أسعارو؟

مشهد الأكل ببيروت رح يشهد نقلة نوعية! Scalini، المطعم الإيطالي الأسطوري اللي بلش رحلته بتشيلسي بلندن سنة 1988، رح يفتح أبوابه رسميًا ببيروت.

سكاليني معروف عالميًا بطبخه الإيطالي الأصيل وجو التراتوريا الراقي، سبق وترك بصمته بمدن متل دبي، كان، مصر، الدوحة، الرياض، والبحرين. وهلّق صار دور بيروت.

كيف التجربة؟

سكاليني معروف إنو بيقدم النكهات الإيطالية البسيطة والأصيلة بمستوى راقي. الزباين فيهن يتوقعوا أطباق كلاسيكية متل Spaghetti all’Astice، الباستا الغنية باللوبستر يلي صارت أكلة مفضلة عندن، وكمان Tagliolini al Tartufo Nero الفاخرة، يلي بتنخلط مع البارميزان والترافل الأسود دغري جوا قالب جبنة كبير.

المأكولات البحرية كمان جزء كبير من التجربة، مع أطباق متل القريدس الملكي المشوي، Carpaccio di Branzino، و Dover Sole معمولين بإتقان. وأكيد، ما في منيو إيطالي بتكمل بلا بيتزا وباستا. سكاليني بيقدملكن كل شي من بيتزا الترافل الكريمية لحتى اللازانيا التقليدية، مع سلطات فريش وأنواع أنتيباستي.

وبعدين في التحلية. الـ Bombolini alla Nutella الأسطورية لازم تجربوها، وغيرها فيه التيراميسو، الكانولي، وتشيزكيك سكاليني المميز.

كيف ممكن تكون الأسعار؟

بما إنو المطعم بعدو ما فتح أبوابو رسميًا، ما في طريقة نعرف أديه رح تكون أسعار أطباقهن. بس فينا نخبركن عن مجمل الأسعار بمطعمن بـ دبي وناخد فكرة عن شو نتوقع:

🥶 المقبلات: 30 – 180 درهم إماراتي (~$8 – $49)
التارتار اللحم، الموزاريلا المقلية، ومقبلات صغيرة باردة أو سخنة.

🥗 سلطات: 70 – 195 درهم إماراتي (~$19 – $53)
من روكا بسيطة مع بارميزان لسلطة كينغ كراب.

🍕 البيتزا: 105 – 205 درهم إماراتي (~$28 – $55)
مارغريتا كلاسيك، بيتزا ترافل، أو بيتزا سكاليني المميزة.

🍝 باستا: 105 – 390 درهم إماراتي(~$28 – $105)
بتشمل باستا بحرية، راجو لحم عجل، والسباغيتي مع لوبيستر.

🍩 الأطباق الرئيسية: 125 – 650 درهم إماراتي (~$34 – $176)
لحوم مشوية، أطباق بحرية، وفيلية بروميوم.

🍰 التحلاية: 25 – 160 درهم إماراتي ($7 – $43)
تيراميسو، تشيز كيك نوتيلا، كانولي، وجيلاتو الفستق الحلبي.

💵 تكلفة الوجبة إجمالاً:

لشخصين: 780 – 800 درهم إماراتي (~$210)

للشخص الواحد: 390 – 400 درهم إماراتي (~$105)

وين رح يفتح؟

صفحتن عالإنستغرام منزلة منشور “Opening Soon” وما في تفاصيل أكتر، فتابعوهن لتعرفوا.

بس فيكن تتوقعوا يفتح المطعم بمينا الحصن، حد Mademoiselle و Amar.

متحمسين لافتتاح Scalini ببيروت؟ تأكدوا إنكن تشوفوا #شو جديد لتلاقوا المزيد من هيك أخبار.

حبيتوا هالمقال؟ شوفوا كمان:

قريباً بأسواق بيروت: 7 محلات الكل عم يحكي عنها

. Alo، MRKT، Eataly، وغيرن كتير صارت محط أنظار الناس، وهلّق في 7 محلات جديدة رح تفتح عن قريب.