قهوتكن مع بوكيه ورد…تعرفوا ع هالمحل الجديد ببيروت!

بيروت دايمًا بتحب تدهشنا، وهلّق في جوهرة جديدة لكل محبّي القهوة والورد: Bouquet Café، الكافيه الجديد يلي رح يفتح أول أيلول بسن الفيل. الفكرة ورا هالمكان بسيطة ومميزة بنفس الوقت: قهوة طيبة وسط عالم من الورود العطرة.

أول ما بتدخلوا، بتحسّوا حالكن كأنكن دخلتوا حديقة صغيرة وملونة، وكل زاوية مليان نبات معلّق وورد بتفرّحكن. الجو هادي ورومانسي، مع قعدة لطيفة بتركز ع الورد الطبيعي بطريقة بتخلي المكان مثالي لتاخدوا صور.

الأجمل بهالمكان هو المفهوم نفسه: مع كل كوفي بوكس، فيكن تختاروا بوكيه صغير أو كبير حسب ذوقكن. يعني القهوة مش بس ألذ، كمان تجربة رومانسية مع ريحة الورد! ومش بس هيك، فيكن تضيفوا كرواسون من إختياركن. 

مع قهوتكن، فيكن تختاروا من مجموعة متنوعة من الزهور الموسمية أو الدايمة، خاصةً إنو Bouquet Café عندن محل ورد ومشتل خاص فيهن. هيك بتاخدوا ورد لإلكن أو كهدية لشخص مميز.

Bouquet Café مش بس كافيه، هو تجربة حسية. كل تفصيل بالمكان، من القعدة لحد طريقة تقديم القهوة والبوكيه، مدروس ليعطي إحساس الدفا والجمال بوقت واحد. وكأنكن عم تعيشوا لحظة صغيرة من الفرح وسط كل شي.

 فإذا كنتوا من محبّي القهوة، الورود، أو بس بدكن مكان جديد وحلو لتاخدوا أحلى الصور مع أصحابكن، Bouquet Café بسن الفيل رح يكون وجهتكن الجديدة هالشهر! ما تنسوا تابعوا حسابن ع انستغرام هون للمزيد من الأخبار عن الإفتتاح الرسمي.

حبيتوا هالمقال؟ شوفوا كمان:

10 مطارح بقلب بيوت تراثية ببيروت

 قناطر عالية، بلكونات مطلّة، وجنينات بتفوح بريحة الياسمين… كل مطرح فيهن بعيّشكن تجربة بتشبه بيروت بحد ذاتها…