وداعاً للتعديات والمخالفات… بلدية جونية تتحرك قبل توسعة الأوتوستراد

باشرت بلدية جونية هالأسبوع بتنفيذ المرحلة الأولى من خطتها لتعزيز السلامة العامة وتخفيف زحمة السير. هالشي من خلال إزالة التعديات والمخالفات عن جانب الأوتوستراد وشارع المعاملتين، بعد ما وجّهت إنذارات للمخالفين قبل أسبوعين.

البلدية اعتبرت إنو هالخطوة أساسية لإعادة تنظيم السير، والتصدّي لليد العاملة غير الشرعية، وضمان الأمن والاستقرار بما يحفظ حقوق المواطنين ويرجع الانضباط للمدينة.

وتزامنت جهود البلدية مع قرار لجنة الأشغال العامة بالمجلس النيابي بتأمين حوالي 40 مليون دولار لمشروع توسيع أوتوستراد جونية، بعد ما خلّص مجلس الإنماء والإعمار الدراسات اللازمة. ومن المتوقع تنطلق الأشغال عند مدخل بيروت الشمالي خلال شهر كحد أقصى. كمان، تم التطرق لمواضيع النقل المشترك، مشاريع مطار القليعات ومرفأ جونية السياحي، والسلامة المرورية.

أخيراً من بعد سنين انتظار، مشروع توسيع أوتوستراد جونية رح يصير حقيقة. هيك، رح يصير التنقل اليومي أسرع، منظّم وآمن للكل، ويعطي فرصة للمدينة تتنفس والناس تتحرك أكتر.

حبيتوا المقال؟ شوفوا هون:

تجربة مميزة…مطعم إم شريف جاية ع متحف سرسق!

مطعم إم شريف المحبوب رح يطلّ بأيلول بمفهوم جديد، وأختار واحد من أعرق وأرقى معالم المدينة: متحف سرسق، تحت اسم Em Sherif au Musée…