هالمطعم الجديد قطعة من إيطاليا ع البحر ببيروت!

إذا عبالكن تدوقوا نكهات إيطاليا ع أصولها، صار في محل ببيروت رح ياخدكن دغري ع روما! أوتيل Lancaster Eden Bay الشهير استقبل Como، مطعم جديد بيقدملكن الطعمة الإيطالية الأصيلة مع قعدة ولا أروع.

المكان عنجد قطعة من إيطاليا بلبنان: طاولات بشراشف حمرا وبيضا، شبابيك مضوية، عربايات مليانة خضرة وفواكة طازة، وحتى شجر الحامض يلي بيحسّسكن إنكن سافرتوا!

إذا بدكن تهربوا شوي من عجقة بيروت، أكيد رح تحبّوا القعدة هون، سواءً عم تشربوا كاس ع التراس تحت الشمس أو قاعدين جوّا بالديكور الحلو.

شو ع المنيو؟

المطعم مثالي لكل الأوقات: غدا خفيف، سناك ع الغروب، أو عشا باستا خيالي.

رح تلاقوا كل الأطباق الإيطالية اللي منحبها. نحنا عشقنا الـ gnocchi بالبيستو والـ stracciatella، وإذا بتحبّوا صوص البندورة، البولونيز أو rigatoni alla arrabiata أكيد رح يعجبكن.

منعرف أديه في ناس بيحبوا تجربة سلاد بار، وComo أكيد رح يعجبن. عبّوا صحنكن بالخضرة الطازة والموسمية، الأجبان وكل الإضافات اللي بتحبوها، وزيدوها مع طبق الباستا المفضل، وبتصير عندكن وجبة كاملة وبسعر مناسب.

ومش بس هيك، بس بـ 25$ للشخص، في عرض الـ Open Salad Bar & Pasta ما بيتفوّت! كل يوم من 4 للـ8 المسا.

وأحلى شي بمطعم Como إطلالته الخيالية ع البحر! سواءً عم تتعشوا ع التراس أو جوّا، كل قعدة معها منظر للموج بياخد العقل. وإذا بتحبوا الأرغيلة، كمان رح تلاقوا طلبكن!

لمزيد من المعلومات عن Como ببيروت، تأكدوا من زيارة إنستغرام تبعن.

📍 العنوان

Lancaster Eden Bay، بيروت

⏰ الدوام

يوميًا من 12 الضهر حتى 12 بالليل

📞 للتواصل

الرقم: 279 797 70

حبيتوا هالمقال؟ شوفوا كمان:

قريباً بأسواق بيروت: 7 محلات الكل عم يحكي عنها

من لما رجعت أسواق بيروت Beirut Souks هيداك الصيف، استقبلت كتير مطاعم ومحلات جديدة مميزة…