CurlySquare: كل شي بيحتاجه الشعر الكيرلي بمطرح واحد!

البنات يلي شعرهن كيرلي بلبنان بيعرفوا هالمعاناة منيح: كيف يلاقوا الروتين المناسب لشعرن وصالون عنجد بيفهم بالشعر الكيرلي. وإذا بعدك عم تفتّشي ع صالون الأحلام لشعرك، CurlySquare بالجديدة لازم يكون عالليستة تبعك.

الصالون الأول للشعر الكيرلي بلبنان!

CurlySquare هو الصالون يلي رح يصير رفيق شعرك المفضل، بيقدملك قصات شعر مناسبة للكيرلي، منتجات لتصفيف الشعر، علاجات، وإكسسوارات. وكمان رح تلاقي رفوف مليانة براندات عالمية معتمدة للبنات الكيرلي، مع أدوات معمولة لتسهّل عليكي التصفيف.

شو بميز CurlySquare عن غيرو؟

CurlySquare صالون معتمد من أكاديمية ريزو! يعني مصففين الشعر عندن بيتدربوا مباشرة ع إيد خبيرة الشعر الكيرلي العالمية نوبيا ريزو. وهالشهادة عنجد مهمة بعالم الشعر المجعد، لأنها بتضمن إنو كل قصة، علاج أو تسريحة تنعمل بتقنيات خاصة بتبرز وبتجمّل التجعيدات الطبيعية.

وكمان متقنين طرق التصفيف من دون حرارة للبنات يلي عندن مناسبة خاصة وما بدن يعرّضوا شعرن لأي ضرر. أديه حلو هالشي؟

كيف فيكي تشتري منتجاتن؟

عندهن رابط على Shopify فيكن تتسوقوا منو حسب البراند، الاستخدام، وهدف الشعر! بيقدموا ماركات مشهورة كتير بعالم الشعر المجعد متل Olaplex، Aunt Jackie’s، Cantu، وغيرهن كتير.

كتير أسعارهن مناسبة، وحتى بتلاقوا عليهن تخفيضات.

تأكدوا تتابعوهن على إنستغرام لتشوفوا المزيد من التفاصيل! ولتحجزوا موعدكن، اكبسوا هون.

حبيتوا هالمقال؟ شوفوا كمان:

أخيراً، أول تطبيق تاكسي مخصّص للسيدات بلبنان!

تعرّفوا عـ Heya Ride، أول تطبيق تاكسي ومواصلات مخصّص للسيدات بس بلبنان.