شو جديد؟ 7 مطارح مميزة فتحت بقلب بيروت

كل أسبوع، بيروت بتستقبل أماكن جديدة بتضيف حياة ونكهة مختلفة للمدينة. من مطاعم وكافيهات عصرية، لمحلات ومساحات ثقافية، جمعنالكن 7 مطارح مميزة فتحت جديد بقلب بيروت وبتستاهل تجربة كل وحدة منها.

1. ست الدني

وين: عين المريسة

شو ناطركن: أكلات لبنانية أصيلة، إطلالة عالبحر، ديكورات بتاخد العقل

هالمطرح الجديد بيفتح يومياً لحد الساعة 2 نص ليل، وبيتميّز بجوّ ساحر وتراس عالبحر. فيكن تحجزوا طاولة عالصخرة وتدلّعوا حالكن بأطيب أكل لبناني حدّ المي. بين الطعم والمنظر، هالمكان هو الوجهة المثالية لسهرة رايقة مع الأصحاب أو ليلة رومانسية.

الرقم: 677 200 81 – 944 200 81

2. Em Sherif au Musée

وين: متحف سرسق، الأشرفية

شو ناطركن: أكل لبناني راقي، جو ثقافي، تجارب فنية

إم شريف، يلّي معروفة بالمطبخ اللبناني الراقي، إجت بمفهوم جديد ع متحف سرسق: Em Sherif au Musée. هالتعاون بيمزج فن المطبخ اللبناني مع التراث الثقافي الغني للمتحف.

الرقم: 900 933 03

3. Cluckerie

وين: الأشرفية

شو ناطركن: دجاج مدخّن، ساندويشات طيبة، وقعدة ملونة.

أول محل متخصص للدجاج المدخّن بلبنان! ورا الديكور الملوّن، بتستمتعوا بنكهات مدخّنة بتخلّي عشّاق الدجاج يرجعوا كل مرة. من ساندويش Chickabatta للدجاج الطالع دغري من الـ smoker، هيدا المحل عنجد لازم تجربوا.

الرقم: 177 212 21

4. Tipsy Cowboy

وين: مار مخايل

شو ناطركن: مشروبات، موسيقى حيّة، وجوّ مستوحى من ستايل الكاوبوي

Tipsy Cowboy بار جديد جايب جوّ تكساس ع قلب بيروت، مع مشروبات باردة وأجواء حماسية أكيد رح تعجب كل اللي بحبّوا السهر.

الرقم: 710 039 81

5. Croffee

وين: قريطم

شو ناطركن: قهوة، كرواسون، ووافلز

كافيه جديد وملوّن فتح بقريطم، بيستقبلكن بأجواء فرحة وديكور بيجنّن لتاخدوا صور. متخصص بالـ كروفلز، العجين المقرمش يلي بيجمع بين الكرواسان والوافل، وبتقدروا تختاروا بين الحلو أو المالح مع فنجان قهوتكن.

الرقم: 211 934 78

6. Chicken Joint

وين: الأشرفية

شو ناطركن: جوانح دجاج مقرمشة، تندرز، وبرغر

“تشيكن جوينت” بيقدملكن جوانح مقرمشة، تندرز طرية، سندويشات دسمة، ودجاج بروستد بيشهي. هالمكان مثالي للأكل الطيب مع الأصحاب، أو فيكن تطلبوا دليفري إذا حابّين تقضّوا سهرة هادية بالبيت.

الرقم: 406 606 76

7. Timmy Street Food

وين: الجميزة

شو ناطركن: أطباق متل Chipotle مليانة نكهات، وجبات دسمة، برغر، وأكتر

محل جديد مستوحى من أطباق Chipotle الشهيرة، Timmy Street Food بيقدّم أكلات شارع مليانة نكهات قوية. فيكن تطلبوا البطاطا المقلية، برغر بيفتح النفس، معكرونة بالجبنة، أو حتى تعبّوا كيس التشيبس بال toppings يلّي بتحبّوها.

الرقم: 265 566 81

اي مطرح جديد من هيدي مطارح رح تجربوا بقلب بيروت؟