واحد من مطاعم البرغر المفضلة بلبنان…رجع! 

مين بيتذكّر المحل بالجميزة اللي عمل ضجة بوقتها مع البرغر بقياس 20 سم؟ Rod’s Burger، اللي كان معروف إنو بيقدّم 45 نوع برغر مختلف، رجع وهلّق جايب معو أطيب طعمة برغر ع قلب ضبية.

بعد ما سكّروا فرعُن الأصلي بالجميزة بسبب انفجار 4 آب، رجع Rod’s Burger ورسمياً فتح أبوابو بـ Terminal Dbayeh، واحدة من أشهر وجهات الأكل بلبنان.

Rod’s عمل إسمه من البرغر اللي ما بينتسى. وأهم شغلة إنو عند Rod’s، البرغر ما بينفع تاكلو “بأدب”… لازم توسّخ إيديك وتعيش اللحظة!

والشهرة الكبيرة إجت من الاختراع المجنون: أكبر برغر بلبنان يلي كان قياسها 75 سم وفيها 14 كيلو لحمة! لليوم ما حدا قدر يكسر هالرقم. بتتخيّل تقدر تخلصها لحالك؟

ومش بس هيك، غيرها كان في برغر 20 سم و30 سم!

اليوم، المغامرة بعدها مكفية بـ Terminal Dbayeh، والكلاسيكيات راجعة بقوة. من أهم البرغر اللي لازم تجرّبوه: Relisha Burger، مليان جبنة، بصل، صوص كاجون وريليش حلو. غيرو في Mexican Cajun و Backaboard. Rod’s من أوائل محلات البرغر ببيروت، ومن وراهن انفتح المجال لمطاعم برغر تانية منعرفها اليوم.

إذا إنت من الزباين القدامى واشتقت لهالطعم، أو أول مرة بدك تجرّب، هلق صار وقتها بـ Terminal Dbayeh. كبسوا هون لتعرفوا الموقع، وما تنسو تتابعوهن ع الإنستغرام للمزيد.

حبيتوا هالمقال؟ شوفوا كمان

مشروبات بـ3 دولار وسهر للصبح: بار أتوميك غيّر جوّ ضبية!

عم تفتّشوا على محل بيجمع بين السهر اللبناني وحبكن للأكل؟ Atomic Bar بترمينال ضبية هو العنوان!