ترميم محطة قطار مار مخايل بلش رسميًا!

رسمياً، بلش وزير الأشغال العامة فايز رسامني بمشروع ترميم محطة قطار مار مخايل التاريخية ببيروت يوم الخميس، 4 أيلول 2025.

برفقة وزير الثقافة غسان سلامة، والمديرة العامة لليونسكو أودري أزولاي، ونائبة رئيس البعثة بالسفارة الإيطالية سيلفيا توسي، حطّوا حجر الأساس للمشروع اللي الناس كانت ناطرينه.

محطة قطار مار مخايل: معلم تاريخي

بيرجع تاريخ هالمحطة لـ 1895 وكانت مركز مهم بشبكة السكك الحديد بلبنان. كانت بتوصل بين بيروت ودمشق وحيفا، بس توقفت عن العمل سنة 1948 بعد النكبة. هالحادثة عطّلت دور المحطة كحلقة وصل أساسية بين بيروت، دمشق، وحيفا.

بعد يلي صار، استمرت خدمات القطارات بين مناطق لبنانية مختلفة لحدّ ما توقفت كلياً خلال الحرب الأهلية اللبنانية من 1975 لـ 1990. المحطة ضلت مهملة من وقتها لليوم.

مشروع ترميم بـ 2 مليون يورو

بتموز 2023، اليونسكو وإيطاليا وقعوا اتفاق لتمويل ترميمها وتأهيلها، وحشدوا 2 مليون يورو للمشروع.

المشروع هدفه يحافظ على التراث الصناعي للمحطة ويحوّلها لمعلم ثقافي. هالشي بيتضمن خلق مساحة عامة خضرا وتوفير منصة للارتباط الاجتماعي، التجربة الثقافية، والإبداع الفني.

حبيتوا هالمقال؟ شوفوا كمان:

رجعت أيام الحمرا…إفتتاح سينما لو كوليزي بمهرجان حافل!

هالسينما، اللي تعتبر وحدة من أقدم الصالات السينمائية في بيروت، عم ترجع للحياة…