إفتتاح مرفأ جونية…بوابة لبنان الجديدة ع المتوسط!

من بعد طول إنتظار، تم إعادة افتتاح مرفأ جونية السياحي برعاية رئيس الجمهورية جوزاف عون ومبادرة مشتركة بين القطاع العام والخاص. المرفأ أخد رخصة دولية وصار رسميًا على خريطة مرافئ البحر المتوسط، ومجهّز ليستقبل السفن السياحية وشركات السفر. 

حسب النهار، أول خطوة رح تكون إطلاق خط بحري بين جونية وقبرص، مع 3 رحلات بالأسبوع على بواخر بتساع بين 300 و400 راكب. الرحلة بتاخد حوالي 4 ساعات، وممكن بسعر معقول، وبتكون خيار مثالي للمغتربين والطلاب. وإذا نجح المشروع، الخط رح يتوسع بعدها ليشمل تركيا وأوروبا.

القصة مش جديدة: بالـ2008، طلع مرسوم بعد دراسة ألمانية بتوصي بالموقع الحالي، والحكومة خصصت وقتها 35 مليون دولار لتنفيذ المشروع. بس بعدين توقف بسبب الإدارة السياسية ونقص التمويل.

الافتتاح هو بداية أمل جديد لإعادة ربط جونية بالعالم، وجذب السياح من قبرص وأوروبا، وتنشيط الفنادق والمطاعم بالمنطقة وكل لبنان. اليوم، كل العيون على مرفأ جونية ليصير بوابة اقتصادية جديدة ومركز جذب سياحي حقيقي للبلد.

حبيتوا هالمقال؟ شوفوا كمان:

السيدة الأولى نعمت عون: إطلالاتي ما بتكلّف الدولة… وإيلي صعب اتصل فيي!

بأول لقاء إعلامي إلها مع الشباب عبر شاشة LBCI، ظهرت السيدة الأولى نعمت عون بمقابلة خاصة ..