منتجع تزلج جديد مرتقب بلبنان…شو قصة هالمشروع؟

عشاق التزلج بلبنان بلشوا يحكوا عن مشروع Summit Ski، منتجع جديد بقولوا إنو بيبعد 30 دقيقة بس عن بيروت. شو قصته؟ وشو هي التحديات لهيك مشروع بلبنان؟

(للتوضيح: اليوم نهار الاثنين الصبح، اخدتنا 30 دقيقة من الحمرا…للحمرا.)

عن مشروع Summit Ski

المنتجع المعلن عنه هو مشروع فاخر من شركة المر. مخطط إقامته على قمم منطقة الزعرور، على منحدرات بتوصل لارتفاع 2001 متر فوق سطح البحر. صفحتن ع مواقع التواصل بتغريكن بصور الشاليهات، رياضة الباراغلايدينغ، كوكتيلات بعد التزلج… وأكيد ملاعب البادل موجودة كمان.

بس قبل ما تخططوا لرحلتكن الشتوية عند Summit Ski، في شغلة مهمة عن هالمشروع لازم تعرفوها.

عوائق بيئية؟

رداً على استفسار من جمعيّة الأرض لبنان، أكدت وزيرة البيئة تمارا الزين بتاريخ 12 آب 2025 إنو المشروع الحالي ما انعمله أي دراسة لتقييم الأثر البيئي أو فحص بيئي مبدئي. هيدي خطوة إلزامية لأي مشروع من هالنوع حسب المرسوم 2012/8633.

الوزارة كمان شددت إنو ما في أي بناء ممكن يتقدم إلا إذا تم الالتزام بكل الشروط القانونية والبيئية. المشكلة بتصير مقعدة أكتر لما نرجع لخطة استعمال الأراضي الوطنية بالمرسوم 2009/2366، يلي بتصنّف أي أرض فوق 1,900 متر كـ “قمم طبيعية”. بهالمناطق، البناء محظور تقريباً، إلا بحالات نادرة متل المناطق العسكرية.

ليه الموضوع مهم؟

جبال لبنان صارلها فترة عم تتعرّض للتعديات من قبل بعض أصحاب المشاريع الخاصة: قطع غابات، رمي نفايات، وبناء غير قانوني… وكل هالشي من دون أي محاسبة. من المقالع والكسارات غير المرخّصة اللي بتاكل بالمنحدرات، للمنتجعات اللي بتحفر وسط الجبال، القانون البيئي غالبًا مش فعّال، والغرامات ولا شي مقارنة بالأرباح.

بدون ضغط مستمر من جمعيات الرقابة متل جمعيّة الأرض لبنان وخطة تطبيق فعّالة، مشاريع مثل Summit ممكن تنضم لليستا طويلة من المشاريع يلي عم تتعدى على البيئة.

شو الخلاصة؟

مع الامل إنو يتم هيدا المشروع بس حسب الشروط اللازمة يلي بتحمي البيئة والأرض.

Post-edit:

Georges Soulage, “the Vice President of the Lebanese Press Order, the Editor-in-Chief of Al Joumhouria newspaper, and currently serving as Media Advisor to the Summit project” has sent the following letter as a right of response to this piece:

مشروع Summit حائز على كل التراخيص القانونية
اصدر محامي مشروع Summit في الزعرور البيان التالي:
اورد احد المواقع الالكترونية مغالطات وافتراءات تتعلق بالمشروع السياحي في
منطقة الزعرور والمسمى (Summit)
ونسب هؤلاء على الموقع المذكور واقعاً لا يمت الى الحقيقة بصلة إن من الناحية
القانونية او من الناحية الفعلية.
واستناداً الى القوانين المرعية الإجراء، سيما منها قانون البناء ونظام المنطقة ونظام
المجلس الاعلى للتنظيم المدني والقرارات والتعاميم الصادرة عنه،
وعملاً بقانون البيئة والمراسيم والقرارات الصادر،
فإن مشاريع الإفراز وبحسب تلك القوانين والتعاميم والقرارات لا تتطلب في
المنطقة المذكورة أي شيء يتعلق بالأثر البيئي، وإلا لما كان المجلس الأعلى للتنظيم
المدني قد وافق على مشروع الإفراز العائد للمشروع السياحي Summit وأعطي
التراخيص اللازمة بشأنه.
أضف الى ذلك فهذا المشروع بدأ العمل به منذ أكثر من ثماني سنوات، وهو يعتمد
أعلى المعايير البيئية الحديثة. وازاء التحريض عليه بهذا الشكل من تشويه للواقع
والحقائق وسوء استعمال النصوص القانونية، وقد تبين أن وراء هذا الخبر المفبرك
المركب اشخاص أهدافهم إبتزازية، وهم معروفون بهذا الموضوع يلفقون الأخبار
ويركبونها بهدف إبتزاز أصحاب المشاريع من شركات وأشخاص ويستعملون
وسائل التواصل الإجتماعي ومواقع إلكترونية للتحريض حتى لو استعملوا أدوات
وزوروا الحقائق والوقائع لينالوا أهدافهم الإبتزازية،
فالمنطقة منطقة سياحية فيها عدة مشاريع مشابهة مماثلة ولا تتطلب أي أثر بيئي فلا
يجوز ترك هؤلاء دون محاسبة أو ملاحقة للإقتصاص منهم ليكونوا عبرة لكل من
تسول له نفسه الإضرار والمس بحقوق وأموال الآخرين والإضرار بهم معنوياً

ومادياً واستهداف الاستثمارات والنشاط السياحي والإقتصاد الوطني لأهداف صغيرة
إبتزازية بات أصحابها معروفين وأهدافهم مكشوفة.
وإننا سوف نلاحق كل هؤلاء المجرمين والمشاركين والمخططين والمساعدين
طالبين من المواقع الالكترونية عدم نشر او نقل ما ينشره هؤلاء حفاظاً على الحقوق
وتلافياً للملاحقات القضائية.

المحامي ايلي كفوري

(End of Statement)