أول مطعم متخصص بأكلة الأوزي ببيروت!

إذا كنتوا من عشّاق الأوزي، صار فيكن تقولوا إنو الحلم تحقق! من قلب جل الديب، فتح أوّل مطعم ببيروت متخصص بهالأكلة التقليدية: Ouzy Beirut.

الأوزي معروفة من زمان كطبق بيتحضّر بالمناسبات الكبيرة وبالعزايم العامرة. طبق معمول من رز مطبوخ بالسمنة مع بهارات بتعطيلو نكهة غنية، خضرة وصنوبر، وبيتغطّى بلحمة طرية أو دجاج. وأكيد ما بينقصو المكسّرات المحمّصة يلي بيعطوا الطعمة الملكية. خصوصيتها إنو الرز بينلّف بعجينة البقلاوة، ليجمع بين النكهة المبهّرة والعجينة المقرمشة. واليوم صار في محل مخصص بهالطبخة!

بـ Ouzy Beirut، التجربة مش بس أكل، هني عم بيشتغلوا إنو يرجعوا هيبة الطبق التقليدي ويقدموه بطريقة مميزة. من أول ما تفوتوا بتشمّوا ريحة الرز والبهارات يلي بتذكّركن ببيت جدو، بس طريقة التقديم بتشهي.

المنيو بيركز على الأوزي بأنواع مختلفة: لحمة، دجاج، أو خضرة بتتقدم مع صوص خاصة. وأكيد، في مقبّلات بتكمّل سفرتكن، متل اللبن والخيار، السلطة، أو حتى الأوزي الحلوة. غير هيك، في رول المسخن الفلسطيني بالدجاج مع التوم ودبس الرمان، بيكسر الروتين وبيعطي نكهة مختلفة.

اللافت إنو Ouzy Beirut قدر ياخد أكلة تقليدية ويحوّلها لمفهوم كامل، شي قليل نشوفه ببيروت. مش بس عم يقدّموا طبق، عم يخلقوا هوية حوليه وعم يعرّفوا جيل جديد على قيمة تراثنا.

إذا بعد ما جرّبتوا، حطّوا Ouzy Beirut ع الليستة تبع الويك-اند الجاي، واستعدّوا للقمة أوزي ما بتنتسى!

العنوان: جل الديب، جنب كنيسة مار تقلا 

الرقم: 442 221 71 

ما تنسوا تابعوهن ع انستغرام هون.