6 مطارح لأطيب أكل كوري ببيروت

عبالكن تدوقوا أكل كوري ببيروت؟ إخترنالكن كم طبق كوري فيكن تجربوهن بالعاصمة، سواءً عبالكن أكل الشارع الكوري الحرّ أو الأطباق الدسمة.

إذا حابين تاكلوا من أكل شارع كوري:

1. لحم Bulgogi عند Totori

شو تتوقعوا: مطرح ببيروت مستوحى من أفلام Studio Ghibli، الجو مهضوم ولطيف. رح تشوفوا بوسترات ستديو غيبلي، و إضاءة دافية، وأكلات مريحة من المطبخ الآسيوي (بالأخص اليابانية)، وديكور بيذكرنا بـ ميزاكي بشكل ممتع.

عن الطبق: لحم عجل مقطع لشرايح رقيقة ومتبلة، مشوي أو مقلي لتطلع لحمة طرية بطعم حلو ومالح، مع سمسم وبصل. كل هيدا بـ 800 ألف ل.ل.

2. دجاج مقلي ع الطريقة الكورية من NomNom Chickin

شو تتوقعوا: أول محل دجاج كوري مقلي بلبنان، بيقدّم جوانح مقرمشة، صوصات جريئة، لمسة حارة، وجو مريح لتستمتعوا فيه مع رفقاتكن.

عن الطبق: جوانح دجاج مقلية ومغمّسة بنكهة العسل والخل، توم الصويا، أو صلصة حرّة، وبتتقدم مع رز مقلي بالكيمتشي أو فجل مخلل. السعر 8$ للوجبة.

3. هوت دوغ كوري عند Kogowa

شو تتوقعوا: مطرح كتير حلو معروف بأطيب أكلات الستريت فود الكورية، موجود بجميزة وبلس. كوغوا بيقدملكن لقمة طيبة ع السريع، إن كان بعد السهرة أو وجبة خفيفة بعد الدوام.

عن الطبق: هوت دوغ بلحمة مقلية بالجبنة مع اختياركن للصوص. إذا هيدي أول مرة عندن، مننصحكن تسألوهن عن أكتر الأطباق المحبوبة وتجربوها. الأسعار بين 6.5 و7.5$ حسب طلبكن.

إذا بدكن تتغدوا أو تتعشوا أكل كوري بمحل مرتب:

4. دجاج كوري حر (KFC) عند East Village

شو تتوقعوا: مطرح بسيط وبيجنن بيقدم أكلات متنوعة من كل العالم. الأجواء مريحة، ومثالية لغدا سريع أو عشا على رواق.

عن الطبق: دجاج مقلي ع القد مع كبيس الكيمتشي وخس بالكولسلاو الكوري، محطوطين ببريوش من تحت إيدان المحل. السعر 14.5$.

فيكن كمان تختاروا تاكوز القرنبيط الحر بالكيمتشي!

5. أودون نودلز ولحم Donburi عند Meat the Fish

شو تتوقعوا: محل مريح ومرتب بصيفي، بيقدم نكهة جديدة للمطبخ المتوسطي والآسيوي.

عن الطبق: مش الطبق الكوري العادي، هالطبق بيمزج نكهات كورية ويابانية مع لحم طري متبّل، خضرة مدخنة، ونودلز أودون مع صوص زنجبيل-صويا. شوي غالي بـ 39$.

6. الكيمتشي و Bibimbap عند Yakiniku

شو تتوقعوا: محل دافي ببيروت، بقدملكن سوشي طازة، ساشيمي وأوماكاسي بأجواء حميمية ومودرن. بالأساس بيقدم أكل ياباني بس فيه كم طبق متنوع من المطبخ الآسيوي.

عن الطبق: صحن رز كوري مليان خضرة مقلية، لحم متبّل، بيضة مقلية، وصوص غوتشوجانغ حر، الأفضل تستمتعوا فيه مع صحن كيمتشي. السعر 19$.