ما عم تلاقي صفّة؟ صار فيك تحجز موقف سيارة ببيروت!

من أكتر الأشيا يلي منعتل همّها بأي مشوار أو ضهرة هو نلاقي موقف سيارة خاصةً ببيروت. لتخفيف من هالمعاناة، صار في تطبيق لبناني جديد اسمه GoPark ليساعدك تحجز موقف لسيارتك قبل ما حتى تضهر من البيت.

أديه هالشي مريح وحلو! خلونا نتعرف على تطبيق GoPark.

كيف بيشتغل؟

نزّلنا التطبيق وجربناه لنخبركن عن تجربة المستخدم.

افتح التطبيق وسجّل دخولك أو اعمل حساب جديد مع Google أو Apple. اعمل بروفايلك بإضافة اسمك ورقم تلفونك، بعدين دور على الوجهة يلي بدك تروح عليها واختار موقف السيارة. حالياً المواقف متوفرة بس بالحمرا وحول الجامعة الأمريكية ببيروت، بس قريباً فيك تحجز بمناطق كتيرة ببيروت!

بعد ما تدور عالوجهة، التطبيق رح يفرجيك كم موقف سيارات متاحين بالمنطقة وأديه بيكلفوا بالساعة. لمن تحجز الموقف، رح يطلب منك تختار موعد وتوقيت. فيك تحجزه لنص نهار، نهار كامل، أو لـ24 ساعة.

GoPark تطبيق لبناني مميز وبيحل مشكلة كلنا منعرفها منيح. بيفيد خاصة للطلاب اللي بيجوا ع الجامعة بالسيارة وبيلاقوا صعوبة يلاقوا موقف قريب.

وين فيكن تنزلوا؟

التطبيق متوفر للتنزيل على iOS وAndroid. تأكدوا إنكن تتابعوا GoPark على إنستغرام لتعرفوا آخر الأخبار!

حبيتوا هالمقال؟ شوفوا كمان:

خدمة موتو تاكسي مخصّصة للنسوان ببيروت!

بيروت صار فيها وسيلة تنقل أسرع وآمنة أكتر للبنات!