أطيب 12 محل لتجربوا التاكو بكل بيروت!

مين فينا ما بيحب التاكو؟ من البهارات المكسيكية الأصلية، للحشوة الطرية، للصوصات يلي بتخلي كل كدشة رحلة تذوق مختلفة…لمحبي التاكو، هيدا دليل لأطيب محلات بتقدم Tacos بكل بيروت!

1. Lucas Beirut، بدارو

Luca’s Taqueria مشهور بالأطباق المكسيكية المميزة، خاصةً التاكو يلي بيجي مع كمية محرزة من الغواكامولي والكريمة الحامضة.

يوم التلاتا، فيكن تستمتعوا بتشكيلة التاكو مع مارغريتا بسعر 22$ للشخص!

الرقم: 091 777 76

2. El Pastor، الجميزة

التاكوز عندن أبداً ما بيتفوت! إذا عم بتدوروا على شي جديد، لازم تجربوا التاكو بالسمك المكسيكي. هيدا الخيار مثالي لمحبي السمك يلي زهقوا من الدجاج والقريدس.

مرقوا لعندهن كل يوم تلاتا لتجربوا عرض التاكو المفتوح والمارغريتا ب30$ للشخص!

الرقم: 596 536 03

3. El Camión، جعيتاوي

هالتاكو المقرمش مليان خس، غواكامولي، بصل مشوي، فليفلة، الصلصة الخاصة، جبنة شيدر، وPico de Gallo (صلصة مكسيكية مشهورة). El Camión بيوعدكن بتجربة مكسيكية حقيقية بألوان الكانتينا والبار المميّز.

المكان مثالي لسهرة مع الأصحاب، لمواعيد عفوية، أو لأي حدا حابب يضيف مكان جديد ع ليستة أماكنه المفضلة.

الرقم: 344 417 03

4. East Village، بدارو و الأشرفية

ما فيكن تفوتوا الأكل الإستثنائي عند East Village، إذا بتحبوا النكهات الكورية، التاكو عندن رح يكون على زوقكن: تاكو القرنبيط بالكيمتشي الحر بيجي مقرمش و طري مع طحينة وفجل.

بس ما تنسوا إنو هيدا الطبق من المقبلات، يعني ممكن ما بيشبع كتير، بس عنجد لذيذ وممتاز للمشاركة مع غيركن.

الرقم: 386 838 76 – 375 327 21

5. Maracai، الجميزة

ماراكاي بار ومطبخ لاتيني لازم تزوروه مرة وحدة على الأقل. تشكيلة التاكوز الصغيرة عندهن بتشهي، مع خيارات باها سمك، خنزير، ولينغوا (لسان بقر).

وجبات خفيفة من البيرو، كمان فنزويلية، مكسيكية، أرجنتينية، وبرازيلية كلن بمكان واحد.

الرقم: 664 908 76

6.  Odette’s Mexican Taqueria، الأشرفية

التاكو عند Odette’s طازة وطعمه بيجنن، مناسب للوجبات السريعة أو سهرة كاملة. جرّبوا التاكو مع اللحم المطبوخ أو التاكو مع السمك المقلي مع صلصات وخضرة فريش.

الأطباق الملونة بتخلي كل وجبة تجربة حسية بحد ذاتها!

الرقم: 688 607 03

7. Catrinas، مار مخايل

Catrinas بتنقل جوّ الكانتينا الحيوي لمنطقة مار مخايل، وبتقدّم نكهات المكسيكية التقليدية لعشّاق التاكو اللي بدّن كل شي يكون ع أصولو. وكل تلاتا، بتستمتعوا بتاكو مفتوح ومارغريتا بسعر29$ للشخص.

روعة لقعدة مع الأصحاب أو ضهرات عفويّة!

الرقم: 222 174 03

8. Pacifico، شارع مونو

لازم تزوروا Pacifico إذا بتحبوا النكهات اللاتينية الأصيلة والمحضرة صح. التاكو عندن عنجد روعة، وبيفاجئكن بتشكيلة مميزة متل اللحمة المسحوبة، القريدس المزيّن، والدجاج المقرمش، كلها بتجي بتورتيلا طرية ومزينة بصلصات فريش، غواكامولي كريمي، وكريمة حامضة لذيذة.

وما فيكن تستمتعوا بالتاكو عندهن بدون ما تطلبوا كوكتيل أو اتنين (أو تلاتة)!

الرقم: 373 977 76

9. Chili’s، الأشرفية

تاكو دجاج مقرمش، الخضرة، steak esquites، وتاكو القريدس الحر، كلن بيجيوا مع رز وفاصوليا سودا. تاكو القريدس الحر لازم تجربوه إذا بدكن شي فيه لقمة بهارات قوية.

مثالي لغدا عفوي أو لعشا متأخر!

الرقم: 900 334 01 – 171 337 01

10. Meat the Fish, صيفي

إذا كنتوا عم تفتشوا على تاكو مميزين ببيروت، هيدا هو المكان. واحد من أبرز خيارات المنيو هو تاكو السلمون مع papaya mojo، محضّر بفيليه سلمون، بابايا، أفوكادو، شالوت، ذرة مقرمشة، فليفلة حرة، كزبرة، مايونيز ياباني وعصرة حامض.

الرقم: 606 993 01

11. Food District، الحمرا

إذا كنت عم تدور على لقمة سريعة أو بدك محل مريح لتستمتع بتاكو طيب، جرّب Food District. وبصراحة، التاكو بالقريدس تبعهن بيشهي. خيار روعة لمحبي الأكل الحر.

الرقم: 005 740 01

12. Papa’s Mia Tacos (بس ديلفيري)

Papa’s Mia Tacos بيجيبلكن تاكوز مليانين نكهة دغري لعند باب بيتكن. فيكن تختاروا بين اللحمة، الدجاج، القريدس، أو خيارات نباتية، مع بطاطا مقلية أو ناتشوز.

الرقم: 473 993 78

أي محل التاكو Tacos حبيتوا أكتر شي بكل بيروت؟