أي كافيه لازم تجرب ببيروت حسب برجك!

من الزوايا الدافية للكافيهات العصرية، بيروت مليانة محلات بتناسب كل شخصية. عم تتساءل أي كافيه بقلب بيروت بتناسب برجك الفلكي؟ ربطنا كل برج مع كافيه بيلبق مع طاقتك، حتى تشرب قهوتك حسب برجك.

الحمل (21 آذار – 19 نيسان)

Neighbourhood بالجميزة – جريء، حيوي، ومرح.

كافيه مثالي للحمل المغامر يلي بحب الأماكن الاجتماعية.

الثور (20 نيسان – 20 أيار)

Kalei Coffee Co. برأس بيروت ومار مخايل – دافي، مريح، وجمالي.

محل بيتماشى مع حب الثور للأماكن اللي فيها راحة، أكل وقهوة طيبة، وجمال. كمان الطابع المليان تفاصيل صغيرة متل الألوان والديكور بيمشي مع تقدير الثور للفن والجمال والطبيعة.

الجوزاء (21 أيار – 20 حزيران)

روف بصيفي – قهوة بنهار وبار بالليل؟ هالمكان العصري بيناسب طاقة الجوزاء المزاجية وحبهن للعفوية.

السرطان (21 حزيران – 22 تموز)

Joy Beirut بقريطم – دافي، ملوّن، وبيتوتي.

Joy Beirut بيعطي السرطان الزوايا المريحة والأجواء الإيجابية يلي بيشتاقلها.

الأسد (23 تموز – 22 آب)

Daraj بمار مخايل – حيوي، ممتع، وبيجذب الإنظار.

Daraj بيلبق للأسد الواثق بحالو ويلي بحب يكون بمحل بارز وشيك بالمدينة.

العذراء (23 آب – 22 أيلول)

US Coffee بوسط بيروت – هادي وبيهتم بالتفاصيل.

US Coffee مثالي للعذراء يلي بحب الدقة، الكمال، وشوي طبيعة.

الميزان (23 أيلول – 22 تشرين الأول)

Café Amor بالأشرفية – أنيق ورومانسي

محل جذاب بيلفت برج الميزان بتنسيقه المودرن والزوايا الدافية.

العقرب (23 تشرين الأول – 21 تشرين الثاني)

Riwaq بجعيتاوي – هالمكان بجوّه الفني والكوزي، مثالي للعقرب اللي بيحبوا الأجواء الغامضة والناس المختلفة.

القوس (22 تشرين الثاني – 21 كانون الأول)

BASE COFFEE بصيفي – المكان حيوي واجتماعي، ويلبّق للقوس محبّ المغامرات والأمكنة النشيطة والمرحة.

الجدي (22 كانون الأول – 19 كانون الثاني)

Backburner بصيفي – هادي، منظم، وراقي، Backburner بيناسب حب الجدي للأماكن المرتبة والمعروفة بالجودة.

الدلو (20 كانون الثاني – 18 شباط)

Levant بالجميزة – ثوري، مبدع، وغير تقليدي. Levant بجذب اللي بيحبوا الأماكن الثقافية الفريدة وبيفكروا بطريقة منفتحة.

الحوت (19 شباط – 20 آذار)

Moon Beirut بالجميزة – حالم، فني، وحساس، موون بتقدم للحوت الجو الخيالي والهادي اللي بيحبّوه.